د ننګرهار پوهنتون محصلانو چارو مرستیال د خپلو اړوندو امرینو او پوهنځیو تدریسي مدیرانو سره غونډه وکړه.
د ختیځ زون امارتي او خصوصي پوهنتونونو لپاره د لوړو زده کړو وزارت د دعوت او ارشاد ریاست استازي او د ننګرهار پوهنتون د محصلانو چارو مرستیال شیخ شاکرالله وحدت د محصلانو چارو او محصلانو خدمتونو همغږۍ آمرینو او د ۱۴ ګونو پوهنځیو تدریسي مدیرانو سره د محصلینو ستونزو حل او روانو چارو بهبود په موخه غونډه وکړه.
د محصلانو چارو مرستیال په خپلو خبرو کې د مجلس ګډونوالو ته د خپلمنځي همغږۍ، مراجعینو سره نېک چلند، ستونزو ته پر وخت رسیده ګۍ، خدماتو برخه کې اسانتیاوو رامنځ ته کولو او محصلینو رضایت اړوند لارښوونې او سپارښتنې وکړې.
ښاغلي وحدت همدارنګه د اړوندو ادارو څخه راغلو مکتوبونو پر وخت طی مراحل کېدو، HEMIS سیستم ته د شقو پورته کولو، د ټاکلي سیستم مطابق د فراغت جدولونو ترتیبولو او سیستم ته د نورو ولایتونو څخه د تبدیل، منفک او تاجیل محصلینو شهرت رسولو باندې ټینګار وکړ.
د محصلانو چارو معاونیت اړوندو آمرینو او تدریسي مدیرانو په خپلو ویناوو کې د محصلانو چارو مرستیال سره خپل وړاندیزونه او ستونزې شریکې کړې او همدارنګه یې هغه ته د لازمو اجرااتو ډاډ ورکړ.
