د ننګرهار پوهنتون مشرتابه د تدریسي روغتون له مسؤلینو سره د یاد روغتون د روانو چارو لا ښه والي په موخه غونډه وکړه.
د ننګرهار پوهنتون رئیس، د علمي چارو، محصلانو چارو ، اداري او مالي چارو او څېړنو او علمي مجلو مرستیالانو د تدریسي روغتون رهبرۍ، جراحي او یورولوژي څانګې استادانو سره د روغتون روانو چارو او د یادې څانګې روغتیايي خدماتو ته د پاملرنې زیاتوالي په موخه غونډه وکړه.
د ننګرهار پوهنتون رئیس شيخ انعام الله مدني د اطاعت، هماهنګۍ او اخلاص له مخې د چارو ترسراوي په اهمیت وینا وکړه او زیاته یې کړه، چې د تدریسي روغتون ټولې څانګې خو په ځانګړي ډول جراحي او یورولوژي څانګه، چې په لوړ شمېر کې مراجعین لري، عالي خدمات وړاندې کړي.
د ننګرهار پوهنتون رئیس او مرستیالانو د تدریسي روغتون رهبرۍ ستونزې او وړاندیزونه واورېدل او د حل ډاډ یې ورکړ.
د مجلس پر مهال همدارنګه د اسلامي امارت د مشرتابه فرامینو تطبیق او څارنې، د اصولو په رڼا کې د فعالیتونو ترسره کولو او نوکریوالۍ سیستم تنظیم اړوند بحثونه او پرېکړې وشوې.
د تدریسي روغتون رئیس پوهنوال ډاکتر همایون چهاردیوال او راغلو استادانو د ننګرهار پوهنتون رهبرۍ ته ډاډ ورکړ، چې د مجلس پر مهال شوې پرېکړې به ژر عملي او راپور به یې ورسره شریک کړي.
