د ننګرهار پوهنتون د محصلانو چارو مرستیال د محصلانو خدمتونو انسجام آمریت څخه لیدنه وکړه.
د ننګرهار پوهنتون د محصلانو چارو مرستیال پوهنیار حافظ سید محمدقاسم هاشمي ددې پوهنتون د محصلانو خدمتونو انسجام آمریت او اړوندو مدیریتونو چارې له نږدې ولیدې او د لا ښه والي او بهبود په موخه یې ورته اړینې لارښوونې وکړې.
د لیدنې پر مهال د محصلانو خدمتونو انسجام آمر قاري بشیر احمد احمدي د خپل آمریت او اړوندو مدیریتونو د کړنو او لاسته راوړنو ګزارش د محصلانو چارو مرستیال سره شریک کړ او هم یې د خپلو راتلونکو پلانونو په اړه، چې د نوي سمستر د پیل سره سم محصلینو ته د ښه راغلاست او پوهنتون پېژندنې غونډې، ظرفیت لوړونې ورکشاپونه، د حقوقي کلینیک په چوکاټ کې عملي زده کړې، رواني مشورو مرکز پیاوړتیا او نور فعالیتونه په کې شامل وو، نوموړي ته معلومات ورکړل.
ښاغلي هاشمي په تېر کې د محصلانو خدمتونو انسجام آمریت فعالیتونه وستایل او د ذکر شویو پلانونو د تطبیق په برخه کې یې د یاد آمریت مسؤلینو ته د همکارۍ ډاډ ورکړ.
سرچینه: د عامه اړیکو، اطلاعاتو او نشراتو آمریت
