ژبو او ادبیاتو پوهنځي خپل۷۳ تنه ممتاز محصلین وستایل.

ashraf_admin
دوشنبه ۱۴۰۵/۲/۷ - ۱۳:۱۶
انځور

د ننګرهار پوهنتون ژبو او ادبیاتو پوهنځي فرهنګي کمېټې د دې پوهنځي د بېلابېلو څانګو (۷۳) تنه محصلین چې د تېرخزاني سمستر نهايي ازموینو په پایله کې یې د خپلو ټولګیو په کچه لوړې نومرې اخیستې وې، د یوې غونډې په ترڅ کې وستایل.

په همدې موخه د یاد پوهنځي د غونډو په تالار کې ستاینغونډه جوړه شوې وه، چې د ننګرهار پوهنتون د محصلانو چارو مرستیال م.ولوي عبیدالله عابد، د اداري او مالي چارو مرستیال حافظ ناکیم خان سعید، د پوهنځي مسؤلینو، استادانو او ګڼو محصلینو په کې برخه لرله.

د ژبو او ادبیاتو پوهنځي د فرهنګي کمېټې مشر پوهنیار حفیظ الله باغبان د ښه راغلاست وینا پر مهال وویل، چې دا غونډه د هغو محصلینو درناوي او تشویق لپاره جوړه شوې چې په خپل درسي بهیر کې یې ډېرې خوارۍ کړي او د خپلو کوښښونو په نتیجه کې د ټولګي په کچه ښه ځلیدلي او لوړې نمرې یې ترلاسه کړي.

د ننګرهار پوهنتون د ژبو او ادبیاتو پوهنځي رئیس پوهنیار حافظ سید محمد قاسم هاشمي او د یاد پوهنځي مرستیال پوهندوی هدایت الله حکیمي په خپلو ویناوو کې د ممتازو محصلینو وړتیاوې وستایلې، د محصلینو په مسؤلیت اداینې یې ټینګار وکړ او یاد محصلین یې د نورو لپاره د الهام سرچینه وبلله.

نوموړو زیاته کړه، ممتاز محصلین نه یوازې دا چې د خپلو کورنیو لپاره د ویاړ باعث ګرځي، بلکې د خپل پوهنتون او هېواد نوم هم ځلولی شي او دوی به راتلونکي کې د محصلینو د لا ښې روزنې لپاره سالمې رقابتي سیالۍ دایرې کړي.

د غونډې په پای کې د پوهنتون رهبرۍ غړو، پوهنځي مسؤلینو او استادانو د یادو محصلینو د هڅو او مثبتو کړنو د ستاینې او تقدیر په موخه هغوی ته ستاینلیکونه ورکړل.

سرچینه: د اطلاعاتو، نشراتو او عامه اړیکو امریت

تازه خبرونه

چهارشنبه ۱۴۰۵/۸/۲۰ - ۱۲:۸
Background image

د ننګرهار پوهنتون ۱۳۰ تنه محصلین د ویناوالۍ روزنیز کورس څخه فارغ شول.

یاد کورس چې څلوېښت ورځې یې دوام وکړ، د ننګرهار پوهنتون محصلانو خدمتونو او همغږۍ امریت له خوا د بېلابېلو پوهنځیو محصلینو ته جوړ شوی و.

د کورس روزونکو په وینا، له دې روزنیزې برنامې فارغ. . .

دوشنبه ۱۴۰۵/۸/۱۸ - ۱۲:۸
Background image

د ننګرهار پوهنتون محصلینو ته (د قرآن کریم اعجاز، تلپاتې عظمت او پیغام) تر سرلیک لاندې دیني او علمي سیمینار وړاندې شو.

یاد سیمینار د ننګرهار پوهنتون عمومي رئیس دوکتور مفتي عبدالوارث بسام له خوا تېره ورځ د ماښام لمانځه څخه وروسته د پوهنتون په جامع مسجد کې سلګونو تنو لیلیه محصلینو ته ارایه شو.
د سيمینار. . .

دوشنبه ۱۴۰۵/۸/۱۸ - ۱۲:۲
Background image

ننګرهار پوهنتون کې د ۱۲ میلیونه او ۳۱۴ زره افغانیو په ارزښت د بېلابېلو پوهنځیو او څانګو د ترمیم چارې پیل شوې.

د دې ترمیماتي پروژې پر مهال به د پوهنتون مرکزي لیلیې د مسجد شریف سربېره د طب، ژبو او ادبیاتو، ښوونې او روزنې، ژورنالېزم او ارتباطاتو،کرنې پوهنځیو او تدریسي روغتون اداري او تدريسي ودانۍ،. . .

BACK TO NEWS

User account menu