په افغانستان کې د ترکیې د همکارۍ او انسجام ادارې مسؤل د ننگرهار پوهنتون له رئیس سره ولیدل

sakhizada_admin
شنبه ۱۳۹۹/۱۰/۲۰ - ۹:۱۶
image

 

په افغانستان کې د ترکیې د همکارۍ او انسجام ادارې (TiKA) رئیس زحتو چال د ننګرهار پوهنتون رئيس پوهاند دوکتور خليل احمد بهسودوال سره وليدل.

په ياده لیدنه کې، چې د علمي چارو مرستیال پوهندوی دوکتور محمد حامد کډوال، د ژورنالېزم او عامه اړیکو پوهنځي مرستیال او استاد پوهنیار سید عباس سادات، پوهنیار شریف الله ویاند او د معلوماتي ټکنالوژۍ او کتابتون آمر سید اجمل نقشبندي هم حضور درلود، دواړو خواوو د متقابلو اړیکو او همکاریو د رامنځته کېدو د شونتیا او پیاوړتیا په اړه خبرې اترې وکړې.

د ننګرهار پوهنتون رئیس پوهاند دوکتور خلیل احمد بهسودوال ښاغلي چال ته ښه راغلاست ووایه او د تاریخ په اوږدو کې یې د افغانستان او ترکیې هېواد په علمي، کلتوري او سیاسي اړیکو رڼا واچوله.

پوهاند بهسودوال د ننګرهار پوهنتون یو شمېر وړاندیزونه، چې د ژبو او ادبیاتو په پوهنځي کې د ترکي ژبې دیپارتمنت ایجاد، د ژورنالېزم او عامه اړیکو پوهنځي محصلینو د عملي زده کړو لپاره د یوه راډیو سټیشن او ویډیو سټوډیو جوړول، د کرنې پوهنځي د څېړنیزو فارمونو تجهیز او معیاري کېدل او د یادو چارو د ترسراوي لپاره د دواړو ادارو تر منځ د یوه تفاهملیک رامنځته کېدل په کې وو، له راغلي پلاوي سره شریک کړل.

د (TiKA) ادارې رئیس ښاغلي زحتو چال د پوهنتون مشرتابه ته په اړوندو برخو کې د مرستې ډاډ ورکړ او زیاته یې کړه، چې اداره به یې ډېر ژر د متقابلو همکاریو او اړیکو د رامنځته کېدو په خاطر له ننګرهار پوهنتون سره یو تفاهملیک لاسلیک کړي.

تازه خبرونه

پنجشنبه ۱۳۹۹/۱۱/۲ - ۱۰:۲۰
Background image

ننګرهار پوهنتون سره د کتابونو او علمي ژورنالونو مرسته وشوه

 

د افغانستان د علومو اکاډمۍ او سیمه ییزو مطالعاتو مرکز له خوا چاپ شوي ۷۱ سرلیکه دیني، علمي، سیاسي او ادبي کتابونه او یو شمېر علمي ژورنالونه د یاد بنسټ د غړي څېړندوی عمران زکریا له خوا. . .

دوشنبه ۱۳۹۹/۱۰/۲۹ - ۸:۴۸
Background image

د کونړ د سید جمال الدین افغاني پوهنتون مخکېني رئیس او د ننګرهار پوهنتون د ژبو او ادبیاتو پوهنځي د عربي څانګې استاد میر احمد حامد د اکاډمیکو خدمتونو قدردانی وشو

 

په همدې مناسبت د ژبو او ادبیاتو په پوهنځي کې ستاینغونډه جوړه شوې وه، چې د یاد پوهنځي د رئیس او استادانو سربېره په کې د ننګرهار پوهنتون رئیس پوهاند دوکتور خلیل احمد بهسودوال، د علمي. . .

دوشنبه ۱۳۹۹/۱۰/۲۹ - ۸:۴۶
Background image

د ننګرهار پوهنتون د برېښنايي زده کړو کمېټې نوی مشر د یادې کمېټې غړو ته وروپېژندل شو

 

پوهنیار محمد یونس وزیري د برېښنايي زده کړو کمېټې د نوي مشر په توګه د ننګرهار پوهنتون د رئیس پوهاند دوکتور خلیل احمد بهسودوال له خوا د یادې کمېټې غړو ته وروپېژندل شو او د کمېټې د. . .

BACK TO NEWS