ننګرهار پوهنتون کې د ۱۴۰۰ تحصيلي کال کانکور ازموينې د اخيستلو بهیر په بریالیتوب سره پای ته ورسېد.

nu_admin
دوشنبه ۱۴۰۰/۲/۱۳ - ۸:۲۹
image

 

د کانکور د بایومتریک او ازموینې پروسه د غويي په ۵ مه پیل او په ۱۱مه نېټه د ۷ ورځو په موده کې پرته له کومې جزوي او جدي ستونزې پای ته ورسېده، چې په ترڅ کې یې د ننګرهار ولايت د دولسمو او څوارلسمو ټولګيو له ۱۴۳۳۲ تنو فارغانو ازموينه واخيستل شوه، چې ۲۷۹۲ تنه یې نجونې وې.

ازموينه په پنځو حوزو کې د ازموينو ملي ادارې څخه د راغلي ۷۷ کسيز پلاوي او د ننګرهار پوهنتون د ۱۰۰ تنو استاذانو له خوا په پوره روڼتیا او شفافیت واخیستل شوه.

د ازموینې ملي ادارې څخه د راغلي پلاوي مشر پوهنیار قدرت الله احمدي د مخه ښې پر مهال د ننګرهار پوهنتون د مشرتابه، استادانو او اداري کارکوونکو مننه وکړه، چې د بایومتریک او ازموینې پروسې په نظم، دسپلین، شفافیت او بریالۍ اخیستنه کې یې نه ستړې کېدونکې هلې ځلې وکړې او هم یې په ښه توګه د دوی مېلمه پالنه وکړه.

د ننګرهار پوهنتون رئيس پوهاند دوکتور خلیل احمد بهسودوال د کانکور ازموینې په بریالۍ اخیستنې خوښي وښوده او یاده چاره یې د ازموینې ملي ادارې د راغلي ټیم او د ننګرهار پوهنتون د استادانو سربېره د ننګرهار ولایت مقام او ملي امنیتي ځواکونو د هڅو او هلو ځلو پایله وبلله.

نوموړي د کانکور ازموینه یوه سرتاسري ملي پروسه یاده کړه، چې په وینا یې، د هېواد د ځوان کول هیلې ورسره تړلي او تمه یې څرګنده کړه، چې په بشپړاوي سره به یې حق حقدار ته وسپارل شي.

تازه خبرونه

چهارشنبه ۱۴۰۰/۴/۲ - ۷:۱۳
Background image

ننګرهار پوهنتون کې د پایلو پر بنسټ او محصل محورۍ (OBE-SCL) تدریسي تګلارو د زده کړې ۱۲ ورځنی ورکشاپ پای ته ورسېد.

 

یاد ورکشاپ د پوهنتون د مسلکي زده کړو پرمختیایي مرکز (PDC) په نوښت د سپین غر لوړو زده کړو موسسې استادانو ته جوړ شوی ؤ.

د ننګرهار پوهنتون د علمي چارو مرستیال پوهندوی دوکتور محمد حامد. . .

پنجشنبه ۱۴۰۰/۳/۲۷ - ۷:۳۴
Background image

ننګرهار پوهنتون کې د HEMIS سیستم دوه ورځنی روزنیز ورکشاپ پیل شو.

یاد ورکشاپ د لوړو زده کړو وزارت د محصلانو چارو ریاست په نوښت ددې پوهنتون د محصلانو د خدمتونو انسجام آمریت کې جوړ شوی، چې د ننګرهار پوهنتون سربېره د کونړ، لغمان او نورستان پوهنتونونو. . .

دوشنبه ۱۴۰۰/۳/۲۴ - ۹:۵۷
Background image

د ننګرهار پوهنتون پلان او پالېسۍ کمېټې ددې پوهنتون د رئيس پوهاند دوکتور خليل احمد بهسودوال په مشرۍ غونډه وکړه.

 

په نوموړې کاري ناسته کې، چې د پوهنتون د علمي چارو مرستيال پوهندوى دوکتور محمد حامد کډوال، د محصلانو چارو مرستيال پوهنوال سيد اکرم هاشمي او د اداري او مالي چارو مرستیال مسعود پیروزي. . .

BACK TO NEWS