ننګرهار پوهنتون کې د کتابونو او چپټرونو راټولولو کمپاين پيل شو

nu_admin
سه‌شنبه ۱۳۹۹/۷/۲۹ - ۹:۱۷
image

 

ياد کمپاين، چې درې ورځې به دوام وکړي، ددې پوهنتون د سولې مرکز په نوښت د (يو کتاب کېږده، يو کتاب واخله او راځه چې په مطالعې سوله عامه کړو!) تر شعار لاندې پيل شوى دی.

د کمپاين د پرانیستې په مراسمو کې د ننګرهار پوهنتون رئيس پوهاند دوکتور خليل احمد بهسودوال، د محصلانو چارو مرستيال پوهندوى سيد اکرم هاشمي، د سولې مرکز مشر پوهندوى نعيم جان سروري، د ژورنالېزم پوهنځي استاد او د سولې مرکز ځوانانو کلب روزونکي پوهنيار احمد جميل پوپلزي او د مختلفو پوهنځيو محصلينو او د سولې مرکز غړو ګډون کړى وو.

د کمپاین د پرانیستې پر مهال د ننګرهار پوهنتون رئيس پوهاند دوکتور خليل احمد بهسودوال د سولې مرکز هڅې وستايلې او ياد پروګرام يې د مطالعې د فرهنګ دودولو سربېره د محصلينو سره د مرستې په خاطر نېک اقدام وباله.

د محصلانو چارو مرستيال پوهندوى سيد اکرم هاشمي د سولې مرکز د مثبتو فعالیتونو مننه وکړه او د دوى هر نوښت يې د پوهنتون د مثبت خوا ته تګ په لور ګټور ګام وباله.

د ننګرهار پوهنتون سولې مرکز مشر پوهندوى نعيم جان سروري د دې پروګرام موخه د کتاب لوستنې او کتاب ساتنې فکر ورکول ياد کړل او په ضمن کې د محصلينو سره د کومک یوه ښه لاره وبلله.

نوموړي ډاډ څرګند کړ، چې د پوهنتون د رهبرۍ او د سولې مرکز د فعالو غړو په مرسته به په راتلونکې کې ننګرهار پوهنتون د داسې نورو ډېرو ګټورو پروګرامونو شاهد وي.

ښاغلي سروري د پوهنتون په محصلینو او ځوانانو غږ وکړ، چې د خپلو تېرو صنفونو چپټرونه او درسي کتابونه د ننګرهار پوهنتون سولې مرکز ته تسليم کړي، تر څو نورو ته د مرستې په توګه ورسېږي.

تازه خبرونه

یکشنبه ۱۴۰۳/۱/۵ - ۸:۵۴
Background image

ننګرهار پوهنتون کې د یوه مجهز څېړنیز مرکز د جوړېدو چارې پیل شوې.

د یاد مرکز وداني د ننګرهار پوهنتون رهبرۍ په هلو ځلو او د شهید افسر خان ستانکزي خيريه بنسټ له لوري د ۱۵ میلیونه افغانیو په مالي لګښت د اړینو عصري تجهیزاتو په لرلو سره په ۳ پوړونو کې. . .

دوشنبه ۱۴۰۲/۱۱/۲۳ - ۲۲:۸
Background image

د ننګرهار پوهنتون په نوښت جوړ شوی اقليم بدلون نړيوال کنفرانس پای ته ورسېد.

ياد کنفرانس چې د سلواغې په ۲۱ نېټه پيل او درې ورځې يې دوام وکړ، د وروستۍ ورځې په مناسبت يې د ښېوې ولسوالۍ اړوند ناکامورا پارک کېيي مراسم جوړ شوي وو، چې په کې د ننګرهار پوهنتون رئيس او. . .

یکشنبه ۱۴۰۲/۱۱/۲۲ - ۲۰:۴۹
Background image

ننګرهار پوهنتون کې د داير شوي اقليم بدلون نړيوال کنفرانس دويمه ورځ هم په بريا سره پای ته ورسېده.

د ننګرهار پوهنتون په کوربتوب او د لوړو زده کړو وزارت په همکارۍ د جوړ شوي اقليم بدلون نړيوال کنفرانس دويمه ورځ، چې د کنفرانس د محتوا اړوند د ګډونوالو علمي او تحقيقي مقالو ته ځانګړې شوې. . .

BACK TO NEWS