ننګرهار پوهنتون کې د چاپېریال ساتنې د نړیوالې ورځې د نمانځې په اړه مشورتي ناسته ترسره شوه.
په یاده مشورتي ناسته کې د ننګرهار پوهنتون رئیس پوهاند دوکتور خلیل احمد بهسودوال، د علمي چارو مرستيال پوهندوى دوکتور محمد حامد کډوال، د محصلانو چارو مرستيال پوهنوال سيد اکرم هاشمي، د چاپېریال ساتنې کمېټې مشر پوهنمل امین الله یوسفزي، د فرهنګي کمېټې مشر پوهنیار مبارز ځیرمن او د کرنې پوهنځي ځینو استادانو برخه لرله.
د مجلس پر مهال د پوهنتون مشرتابه د یادې ورځې د نمانځې په اړتیا او ارزښت خبرې وکړې او د نمانځغونډې د جوړولو او همدارنګه د نوموړې ورځې په ویاړ د پاککارۍ د کمپاینونو او نورو مراسمو د تابیا په اړه یې د مجلس ګډونوالو ته اړینې لارښوونې وکړې، چې د کمېټو د مسؤلینو له خوا ورته د اجرااتو ډاډ ورکړل شو.
