ننګرهار پوهنتون کې د ارواښاد مولانا قیام الدین خادم د علمي او ادبي آثارو ویبپاڼې پرانیسته شوه.

nu_admin
شنبه ۱۴۰۰/۳/۱۵ - ۸:۱
iamge

 

(خادم مېنه) په نوم یاد ویبسایټ د ارواښاد استاد خادم د کورنۍ او مینه والو له خوا پر لیکه شوی او د پښتو ادب د یاد ستوري علمي، ادبي او فلسفي اثار په کې خوندي شوي، چې د غبرګولي په ۱۲مه د ننګرهار پوهنتون د مشرتابه او استادانو له خوا د یوې غونډې په ترڅ کې پرانیستل شو.

نوموړې غونډه، چې د ژورنالېزم او ارتباطاتو پوهنځي په نوښت جوړه شوې وه، د ننګرهار پوهنتون رئيس پوهاند دوکتور خلیل احمد بهسودوال، د علمي چارو مرستیال پوهندوی دوکتور محمد حامد کډوال، د محصلانو چارو مرستیال پوهنوال سید اکرم هاشمي، د بېلابېلو پوهنځیو رئیسانو، استادانو او محصلینو په کې برخه لرله.

د غونډې د پرانيستې وینا پر مهال د ننګرهار پوهنتون رئيس پوهاند دوکتور خلیل احمد بهسودوال ارواښاد استاد خادم د پښتو ژبې او ادب ځلانده ستوری یاد کړ، چې په وینا یې، د پښتو ژبې، ادب، فرهنګ او نور برخو کې یې افغانانو ته نه هیرېدونکي خدمتونه ترسره کړي دي.

پوهاند بهسودوال د یاد ویبسایټ پرانیسته په علمي او رسنیز ډګر کې یوه مهمه زیاتونه وبلله او زیاته یې کړه، چې دا د ځوان نسل پر مونږ حق دی، چې د خپلو اسلافو له افکارو او کارنامو یې خبر کړو، چې ددې ویبپاڼې په پرانیستې سره به زمونږ څېړونکي، استادان، محصلین او ځوانان د خپل یوه عالم او فاضل مشر د فکري مکتب له ابعادو خبر شي.

د ننګرهار پوهنتون د ژورنالېزم او ارتباطاتو پوهنځي رئیس پوهندوی سید سمیع الله سعیدي، د ژبو او ادبیاتو پوهنځي رئیس پوهنمل محمد عارف حازم، د اقتصاد پوهنځي استاد پوهاند محمد بشیر دودیال، د پښتو ژبې او ادب څانګې مشر او استاد پوهاند فضل ولي ناګار، د یادې څانګې دوه تنه نور استادان پوهاند جانس زړن او پوهنیار شفیع الله حبیب د غونډې نور ویناوال وو، چې د مقالو، ویناوو او پیغامونو په ترڅ کې یې د ارواښاد استاد خادم په ژوند، فن، شخصیت او ادبي خدمتونو رڼا واچوله.

د غونډې په دویمه برخه کې د ژورنالېزم او ارتباطاتو پوهنځي استاد پوهنیار سید عباس سادات له خوا د (خادم مېنه) ویبسایټ په اړه معلوماتي پریزنټیشن وړاندې شو او د ارواښاد استاد خادم په غږ نوې موندل شوې مقاله او غږیز کلیپ ګډونوالو ته واورول شو.

د غونډې په پای کې د پوهنتون د مشرتابه او استادانو له خوا د پټۍ په پرې کولو سره د یاد ویبسایټ پرانیسته وشوه او غونډه د ادبیاتو پوهنځي د استاد پوهندوی دوکتور الفت آواب په دعا سره پای ته ورسېده.

تازه خبرونه

یکشنبه ۱۴۰۳/۱/۵ - ۸:۵۴
Background image

ننګرهار پوهنتون کې د یوه مجهز څېړنیز مرکز د جوړېدو چارې پیل شوې.

د یاد مرکز وداني د ننګرهار پوهنتون رهبرۍ په هلو ځلو او د شهید افسر خان ستانکزي خيريه بنسټ له لوري د ۱۵ میلیونه افغانیو په مالي لګښت د اړینو عصري تجهیزاتو په لرلو سره په ۳ پوړونو کې. . .

دوشنبه ۱۴۰۲/۱۱/۲۳ - ۲۲:۸
Background image

د ننګرهار پوهنتون په نوښت جوړ شوی اقليم بدلون نړيوال کنفرانس پای ته ورسېد.

ياد کنفرانس چې د سلواغې په ۲۱ نېټه پيل او درې ورځې يې دوام وکړ، د وروستۍ ورځې په مناسبت يې د ښېوې ولسوالۍ اړوند ناکامورا پارک کېيي مراسم جوړ شوي وو، چې په کې د ننګرهار پوهنتون رئيس او. . .

یکشنبه ۱۴۰۲/۱۱/۲۲ - ۲۰:۴۹
Background image

ننګرهار پوهنتون کې د داير شوي اقليم بدلون نړيوال کنفرانس دويمه ورځ هم په بريا سره پای ته ورسېده.

د ننګرهار پوهنتون په کوربتوب او د لوړو زده کړو وزارت په همکارۍ د جوړ شوي اقليم بدلون نړيوال کنفرانس دويمه ورځ، چې د کنفرانس د محتوا اړوند د ګډونوالو علمي او تحقيقي مقالو ته ځانګړې شوې. . .

BACK TO NEWS