ننګرهار پوهنتون کې دوه حلقې ژورې څاه ګانې له جوړېدو وروسته ګټې اخيستنې ته وسپارل شوې.

nu_admin
چهارشنبه ۱۴۰۲/۲/۲۷ - ۸:۲۷
Pic

د پوهنتون د مسؤلينو په وينا، يادې څاه ګانې د مرسته کوونکي لاسونه (HHRD) خیریه بنسټ د ۲۴۰ زره افغانیو په مالي مرسته د مرکزي لیلیې محصلینو لپاره جوړې شوې دي.

د يادو ژورو څاګانو د پرانيستې په مراسمو کې د ننګرهار پوهنتون رئیس پوهاند دوکتور خلیل احمد بهسودوال، د علمي چارو مرستیال پوهندوی احسان الله ناصح، د اداري او مالي چارو مرستيال پوهنیار قاضي خالد صداقت، د محصلانو چارو مرستیال حافظ سید محمد قاسم هاشمي او د (HHRD) خیریه بنسټ د اوبو رسولو څانګې مسؤل ډاکتر طارق نور برخه لرله.

د پرانيستې پر مهال د ننګرهار پوهنتون رئیس پوهاند دوکتور خلیل احمد بهسودوال د (HHRD) خیریه بنسټ د مشرتابه مننه وکړه، چې د پوهنتون د لیلیه محصلینو لپاره یې یادې څاګانې جوړې کړې.

پوهاند بهسودوال یاده چاره جاریه صدقه وبلله او مرسته کوونکو ته یې د الله تعالی له درباره د اجر غوښتنه وکړه.

د پوهنتون رئیس د یاد خیریه بنسټ مسؤلینو ته سپارښتنه وکړه، د دې څاګانو لپاره دې یوه لویه ذخیره او د پاکو اوبو فلتر سیستم هم جوړ کړي، چې د نوموړي بنسټ د مسؤلینو له خوا د همکارۍ ډاډ ورکړل شو.

سرچینه: د اړیکو، نشراتو او عامه پوهاوي آمریت

تازه خبرونه

دوشنبه ۱۴۰۳/۳/۲۱ - ۱۳:۵۵
Background image

د ننګرهار پوهنتون د لیلیې د نظم او دسپلین کمېسیون ددې پوهنتون د رئیس په مشرۍ غونډه وکړه.

په یاده کاري ناسته کې، چې د پوهنتون د رئیس سربېره د علمي چارو او محصلانو چارو مرستیالانو او کمېټې غړو برخه درلوده، د پوهنتون د بېلابېلو پوهنځیو د محصلینو اړوند د اصولو او مقرراتو څخه د. . .

دوشنبه ۱۴۰۳/۳/۲۱ - ۱۳:۵۲
Background image

د ننګرهار پوهنتون وترنري علومو پوهنځي نوی رئيس د نوموړي پوهنځي استادانو او منسوبينو ته وروپېژندل شو.

پوهندوی رضوان الله ممله وال د نوموړي پوهنځي د نوي رئيس په توګه له ټاکل کېدو وروسته رسماً د پوهنتون د رئيس شـیخ انعام الله مدني له لوري د اړوند پوهنځي استادانو او اداري کارکوونکو ته. . .

یکشنبه ۱۴۰۳/۳/۲۰ - ۱۶:۵۱
Background image

د ننګرهار پوهنتون شرعیاتو پوهنځي له اسلامي تعلیماتو څانګې څخه ۶۴ تنه فارغ شول.

د ننګرهار پوهنتون شرعیاتو پوهنځي اسلامي تعلیماتو څانګې په خپله ۲۳مه دوره کې ۶۴ تنه علمي کادرونه فارغ او ټولنې ته یې د خدمت په موخه وړاندې کړل.
په همدې پار د ننګرهار پوهنتون شرعیاتو. . .

BACK TO NEWS

User account menu