ننګرهار پوهنتون سره د کتابونو او علمي ژورنالونو مرسته وشوه
د افغانستان د علومو اکاډمۍ او سیمه ییزو مطالعاتو مرکز له خوا چاپ شوي ۷۱ سرلیکه دیني، علمي، سیاسي او ادبي کتابونه او یو شمېر علمي ژورنالونه د یاد بنسټ د غړي څېړندوی عمران زکریا له خوا د ننګرهار پوهنتون رئیس پوهاند دوکتور خلیل احمد بهسودوال ته وسپارل شول.
پوهاند بهسودوال په یاد شمېر کې د کتابونو او علمي ژورنالونو چاپ لویه علمي لاسته راوړنه وبلله او د ښاغلي څېړندوی زکریا څخه یې مننه وکړه، چې یاد کتابونه یې ننګرهار پوهنتون ته ډالۍ کړل.
د پوهنتون رئیس اړوندو مسؤلینو ته سپارښتنه وکړه، چې یاد کتابونه د پوهنتون په عمومي کتابتون کې ځای پر ځای کړي، چې استادان او محصلین ترې ګټه واخلي.
