قراردادي خبرتیاوې!
د ننګرهار پوهنتون ریاست له ټولو هغو امارتي او خصوصي شرکتونو څخه، چې د ګډون شرایط پوره کوي، غوښتنه کوي چې د لاندې تدارکاتي پروژو د داوطلبۍ په پروسه کې ګډون وکړي:
۱- د ننګرهار پوهنتون د اداري او تدریسي څانګو لپاره د اړتیا وړ (۶۷) قلمه قرطاسیه.
۲- د ننګرهار پوهنتون د اداري او تدریسي څانګو لپاره د اړتیا وړ (۵۹) قلمه تنظیفاتي مواد.
۳- د تدریسي روغتون لپاره د اړتیا وړ اکسیجن، لابراتواري او راډیولوژي مواد.
۴- د پوهنتون د نقلیه وسایطو او جنراتورونو لپاره د اړتیا وړ(۴۰،۰۰۰) لیتره ډیزل، (۲۳،۵۰۰) لیتره پټرول او (۲۱) قلمه روغنیات.
په شرایطو برابر شرکتونه کولای شي، چې د داوطلبۍ شرطپاڼه د ننګرهار پوهنتون تدارکاتو امریت څخه چې د جلال اباد ښار په اوومه ناحیه، کابل – جلال اباد لویې لارې درونټې سیمه کې موقعیت لري ترلاسه کړي.
ټول داوطلب شرکتونه باید د اعلان د خپرېدو له نېټې څخه د لسو (۱۰) کاري ورځو په موده کې خپل وړاندیز (آفر) د شرطپاڼې، تدارکاتو قانون او نافذو طرزالعملونو له شرایطو سره سم مهر او بند (سربسته) د ننګرهار پوهنتون د تدارکاتو امریت ته وسپاري.
یادښت:
- د وړاندیزونو (آفرونو) د پرانیستې غونډه به د اعلان خپرېدو له نېټې وروسته په یوولسمه (۱۱مه) کاري ورځ د سهار په ۱۰:۰۰ بجو د ننګرهار پوهنتون ریاست مقام د غونډو په تالار کې ترسره شي.
- هغه وړاندیزونه (آفرونه) چې له ټاکلې نېټې وروسته ورسېږي یا د انټرنېټ له لارې استول شوي وي، د منلو وړ نه دي.
درنښت
د ننګرهار پوهنتون اداره
