د کرنې پوهنځي یو شمېر استادان او اداري کارکوونکي وستایل شول

sakhizada_admin
دوشنبه ۱۳۹۹/۱۰/۸ - ۹:۱۱
image

 

د ننګرهار پوهنتون کرنې پوهنځي یو شمېر استادان او اداري کارکوونکي، چې د تضمین کیفیت پروسې او نورو برخو کې یې هلې ځلې کړې وې، د پوهنتون د رهبرۍ له خوا د ستاینلیکونو او ایوارډونو په ورکړې سره تقدیر شول.

په همدې اړه د کرنې په پوهنځي کې غونډه جوړه شوې وه، چې د یاد پوهنځي د رئیس او استادانو سربېره په کې د پوهنتون رئیس پوهاند دوکتور خلیل احمد بهسودوال، د محصلانو چارو مرستیال پوهندوی سید اکرم هاشمي او د اداري او مالي چارو مرستیال حمیدالله احمدزي برخه لرله.

د ننګرهار پوهنتون رئیس پوهاند دوکتور خلیل احمد بهسودوال د کرنې پوهنځي د مشرتابه او استادانو مننه وکړه، چې د پوهنځي علمي او تدریسي چارې یې معیاري کړي او د لاښه والي په اړه یې ورته سپارښتنې وکړې.

نوموړي وویل: هڅه کوو، چې د لوړو زده کړو محترم وزارت د اړوندو ادارو سره په تفاهم په نږدې راتلونکې کې د کرنې په پوهنځي کې د ماسترۍ پروګرام ایجاد او د یاد پوهنځي د څېړنیزو فارمونو د تجهیز او رغونې چارې پیل کړو.

د کرنې پوهنځي رئیس پوهندوی دوکتور رشاد احمد شېرزاد د پوهنتون له رهبرۍ مننه وکړه، چې د دوی د فعالیتونو او هلو ځلو قدردانی یې وکړ او زیاته یې کړه، چې تر ممکنه حده به د کرنې پوهنځي او په ټوله کې د ننګرهار پوهنتون د بهبود او ښه والي لپاره خپلې هلې ځلې جاري وساتي.

تازه خبرونه

یکشنبه ۱۴۰۳/۱/۵ - ۸:۵۴
Background image

ننګرهار پوهنتون کې د یوه مجهز څېړنیز مرکز د جوړېدو چارې پیل شوې.

د یاد مرکز وداني د ننګرهار پوهنتون رهبرۍ په هلو ځلو او د شهید افسر خان ستانکزي خيريه بنسټ له لوري د ۱۵ میلیونه افغانیو په مالي لګښت د اړینو عصري تجهیزاتو په لرلو سره په ۳ پوړونو کې. . .

دوشنبه ۱۴۰۲/۱۱/۲۳ - ۲۲:۸
Background image

د ننګرهار پوهنتون په نوښت جوړ شوی اقليم بدلون نړيوال کنفرانس پای ته ورسېد.

ياد کنفرانس چې د سلواغې په ۲۱ نېټه پيل او درې ورځې يې دوام وکړ، د وروستۍ ورځې په مناسبت يې د ښېوې ولسوالۍ اړوند ناکامورا پارک کېيي مراسم جوړ شوي وو، چې په کې د ننګرهار پوهنتون رئيس او. . .

یکشنبه ۱۴۰۲/۱۱/۲۲ - ۲۰:۴۹
Background image

ننګرهار پوهنتون کې د داير شوي اقليم بدلون نړيوال کنفرانس دويمه ورځ هم په بريا سره پای ته ورسېده.

د ننګرهار پوهنتون په کوربتوب او د لوړو زده کړو وزارت په همکارۍ د جوړ شوي اقليم بدلون نړيوال کنفرانس دويمه ورځ، چې د کنفرانس د محتوا اړوند د ګډونوالو علمي او تحقيقي مقالو ته ځانګړې شوې. . .

BACK TO NEWS