د نورستان لوړو زده کړو موسسې رئیس د ننګرهار پوهنتون له مشرتابه سره ولیدل

nu_admin
سه‌شنبه ۱۳۹۹/۴/۳۱ - ۹:۳۸
news

 

د نورستان لوړو زده کړو موسسې رئیس پوهنمل عبدالصبور غفورزي د ننګرهار پوهنتون له رئیس پوهاند دوکتور خليل احمد بهسودوال، د محصلانو چارو مرستیال پوهندوی سید اکرم هاشمي او د اداري او مالي چارو مرستیال حمیدالله احمدزي سره ولیدل.

د لیدنې پر مهال ښاغلي غفورزي د ننګرهار پوهنتون له مشرتابه غوښتنه وکړه، چې د نورستان د نوتاسیسه تحصیلي موسسې لپاره د علمي کادرونو د استخدام، د نویو دیپارتمنتونو د ایجاد، د اداري چارو د پرمختګ لپاره د یو شمېر مامورینو خدمتي کول او په نورو علمي، تدریسي او اداري برخو کې دې ورسره مرسته او همکاري وکړي.

د ننګرهار پوهنتون رئيس پوهاند دوکتور خليل احمد بهسودوال د پوهنتونونو او علمي مرکزونو تر منځ د متقابلو اړیکو او همکاریو پر اړتيا او ارزښت خبرې وکړې او زیاته یې کړه، چې ننګرهار پوهنتون د هېواد په کچه په علمي او تاریخي لحاظ دویم ستر پوهنیز او اکاډمیک مرکز دی او دا خپله دنده او مسؤلیت ګڼي، چې د نویو او ځوانو پوهنتونونو سره اکاډمیکه مرسته او همکاري وکړي.

نوموړي وویل: ننګرهار پوهنتون اوس مهال د هېواد یو شمېر دولتي او خصوصي پوهنتونونو سره د تقرر، علمي ترفیعاتو، تضمین کیفیت، څېړنو، انلاین کورسونو ثبت او نورو بېلابېلو برخو کې د همکارۍ ویاړ لري.

پوهاند بهسودوال د نورستان د لوړو زده کړو موسسې رئیس ته په اړوندو برخو کې د همکارئ ډاډ ورکړ، زیاته یې کړه، چې د نوموړي موسسې د ایجاد پلان هم د ننګرهار پوهنتون ادارې د لوړو زده کړو وزارت مقام د هدایت په اساس جوړ کړی ؤ او په راتلونکې کې به په نورو برخو کې هم ورسره همکار وي.

د نورستان لوړو زده کړو موسسې رئیس پوهنمل عبدالصبور غفورزي په تېر کې د ننګرهار پوهنتون له مرستې مننه وکړه او په راتلونکې کې یې د هغې پر دوام ټینګار وکړ.

تازه خبرونه

شنبه ۱۳۹۹/۷/۵ - ۹:۵
Background image

د ننګرهار پوهنتون علمي شورا ددې پوهنتون د رئيس پوهاند دوکتور خليل احمد بهسودوال په مشرۍ غونډه وکړه

 

په نوموړي مجلس کې، چې د پوهنتون د علمي چارو مرستيال پوهندوى دوکتور محمد حامد کډوال، د محصلانو چارو مرستيال پوهندوى سيد اکرم هاشمي، د بېلابېلو پوهنځيو او تدريسي روغتون رئيسانو او. . .

پنجشنبه ۱۳۹۹/۷/۳ - ۱۱:۵۶
Background image

ننګرهار پوهنتون کې د شهید استاد پوهنمل ادم خان ملاتړ د فاتحې مراسم ترسره شول

 

د ننګرهار پوهنتون د ژبو او ادبیاتو پوهنځي د پښتو څانګې استاد شهید پوهنمل ادم خان ملاتړ د فاتحې مراسم ددې پوهنتون د ادارې، استادانو او د ارواښاد د کورنۍ له خوا د پوهنتون د فاميليو په. . .

پنجشنبه ۱۳۹۹/۷/۳ - ۱۱:۵۴
Background image

ننګرهار پوهنتون کې د سولې نړیواله ورځ ونمانځل شوه

 

د سپتمبر ٢١مه د سولې نړيواله ورځ ننګرهار پوهنتون کې د انځوریز نندارتون، تمثیلي پارچو او مشاعرې په ترڅ کې ونمانځل شوه.

ياد مراسم، چې د دې پوهنتون سولې مرکز په نوښت جوړ شوي وو، د. . .

BACK TO NEWS