د ننګرهار ګمرک رئیس د ننګرهار پوهنتون مشرتابه سره وليدل.

nu_admin
یکشنبه ۱۴۰۰/۴/۲۷ - ۸:۵۸
image

 

د ننګرهار ولایت د ګمرک رئیس خان زمان امرخېل د ننګرهار پوهنتون رئيس پوهاند دوکتور خلیل احمد بهسودوال سره ولیدل.

په یاده لیدنه کې، چې د ننګرهار پوهنتون د محصلانو چارو مرستیال پوهنوال سید اکرم هاشمي، د اقتصاد پوهنځي رئیس پوهنوال محمد زبیر نورمل او د پوهنتون د بهرنیو اړیکو کمېټې مسؤل پوهنمل دوکتور محمد دوست صافي هم حضور درلود، دواړو لورو د متقابلو اړیکو په پیاوړتیا، د محصلینو د عملي زده کړو او انټرنشیپ او د ملي سوداګرو پر مټ د پوهنتون د زیربنايي پروژو، رغنیزو چارو او فزیکي ښکلا د رامنځته کېدو پر شونتیا خبرې اترې وکړې.

ښاغلي امرخېل په علمي او رغنیزو برخو کې د ننګرهار پوهنتون په وروستیو لاسته راوړنو خوښي وښوده او یادې لاسته راوړنې یې ددې پوهنتون د رهبرۍ، استادانو او ټولو منسوبینو د هلو ځلو پایله وبلله.

د ګمرک رئیس ژمنه وکړه، چې د ننګرهار پوهنتون سره د تېر هوکړه لیک په اساس به ددې پوهنتون محصلینو ته په خپله اداره کې د عملي زده کړو زمینه برابره کړي او هم به د ملي سوداګرو په مرسته ددې علمي کور په بیا رغاونه کې ونډه واخلي.

تازه خبرونه

یکشنبه ۱۴۰۳/۱/۵ - ۸:۵۴
Background image

ننګرهار پوهنتون کې د یوه مجهز څېړنیز مرکز د جوړېدو چارې پیل شوې.

د یاد مرکز وداني د ننګرهار پوهنتون رهبرۍ په هلو ځلو او د شهید افسر خان ستانکزي خيريه بنسټ له لوري د ۱۵ میلیونه افغانیو په مالي لګښت د اړینو عصري تجهیزاتو په لرلو سره په ۳ پوړونو کې. . .

دوشنبه ۱۴۰۲/۱۱/۲۳ - ۲۲:۸
Background image

د ننګرهار پوهنتون په نوښت جوړ شوی اقليم بدلون نړيوال کنفرانس پای ته ورسېد.

ياد کنفرانس چې د سلواغې په ۲۱ نېټه پيل او درې ورځې يې دوام وکړ، د وروستۍ ورځې په مناسبت يې د ښېوې ولسوالۍ اړوند ناکامورا پارک کېيي مراسم جوړ شوي وو، چې په کې د ننګرهار پوهنتون رئيس او. . .

یکشنبه ۱۴۰۲/۱۱/۲۲ - ۲۰:۴۹
Background image

ننګرهار پوهنتون کې د داير شوي اقليم بدلون نړيوال کنفرانس دويمه ورځ هم په بريا سره پای ته ورسېده.

د ننګرهار پوهنتون په کوربتوب او د لوړو زده کړو وزارت په همکارۍ د جوړ شوي اقليم بدلون نړيوال کنفرانس دويمه ورځ، چې د کنفرانس د محتوا اړوند د ګډونوالو علمي او تحقيقي مقالو ته ځانګړې شوې. . .

BACK TO NEWS