د ننګرهار پوهنتون محصل د ختیز زون په کچه د لومړي مقام ترلاسه کولو له امله وستایل شو

sakhizada_admin
چهارشنبه ۱۳۹۹/۸/۲۸ - ۸:۵۱
Image

 

د ننګرهار پوهنتون د ژورنالېزم او عامه اړیکو پوهنځي محصل او د سولې مرکز د ځوانانو کلب مشر عزت الله منصف د ختیز زون د دولتي او خصوصي پوهنتونونو د محصلینو تر منځ د مقاله لیکنې او ویناوالۍ په سیالۍ کې د لومړي مقام ترلاسه کولو له امله د دې پوهنتون د مشرتابه له خوا تقدیر شو.

د مقاله لیکنې او ویناوالۍ یاده سیالي د فساد پر وړاندې د افغانانو د همغږۍ بنسټ (AFCAC) له خوا (د فساد په مخنیوي کې د ځوانانو رول) تر سرلیک لاندې په ختیځ کې د دولتي او خصوصي پوهنتونونو او لوړو زده کړو موسسو د محصلینو تر منځ جوړه شوې وه.

د ننګرهار پوهنتون رئیس پوهاند دوکتور خلیل احمد بهسودوال ښاغلي منصف ته د سیالۍ د لومړي مقام خپلولو له امله مبارکي وویله او مننه یې ترې وکړه، چې په خپلې وړتیا یې د نوموړې سیالۍ د ګټې معنوي ویاړ د ننګرهار پوهنتون په نوم کړ.

دا لومړی ځل نه دی، چې د ننګرهار پوهنتون یو تن محصل د پوهنتونونو تر منځ د سیالۍ لومړی مقام خپلوي، بلکې له دې وړاندې هم ددې پوهنتون محصلینو د ټول هېواد په کچه د IT، نړیوالو محاکمو (جیسیپ)، د ملګرو ملتونو د تمثیل او ګڼو نورو سياليو کې لومړي مقامونه خپل کړي دي.

تازه خبرونه

شنبه ۱۴۰۰/۲/۱۸ - ۹:۳۴
Background image

د ننګرهار پوهنتون علمي شورا ددې پوهنتون د رئيس پوهاند دوکتور خليل احمد بهسودوال په مشرۍ غونډه وکړه.

 

په نوموړي کاري مجلس کې، چې د پوهنتون د علمي چارو مرستيال پوهندوى دوکتور محمد حامد کډوال، د محصلانو چارو مرستيال پوهنوال سيد اکرم هاشمي، د اداري او مالي چارو مرستیال مسعود پیروزي، د. . .

دوشنبه ۱۴۰۰/۲/۱۳ - ۸:۲۹
Background image

ننګرهار پوهنتون کې د ۱۴۰۰ تحصيلي کال کانکور ازموينې د اخيستلو بهیر په بریالیتوب سره پای ته ورسېد.

 

د کانکور د بایومتریک او ازموینې پروسه د غويي په ۵ مه پیل او په ۱۱مه نېټه د ۷ ورځو په موده کې پرته له کومې جزوي او جدي ستونزې پای ته ورسېده، چې په ترڅ کې یې د ننګرهار ولايت د دولسمو. . .

جمعه ۱۴۰۰/۲/۱۰ - ۹:۵۰
Background image

ننګرهار پوهنتون کرنې پوهنځي کې د ۵۰۰ متر مربع په مساحت شیشه یي شنه خونه جوړېږي.

 

د یاد ګلاس هاوس سربېره به د کرنې پوهنځي لسګونو محصلینو او فارغانو ته د عملي زده کړو او انټرنشیپ زمینه هم برابره شي.

یادې خبرې د ملګرو ملتونو د پرمختیايي پروګرام (UNDP)د ننګرهار سیمه. . .

BACK TO NEWS