د ننګرهار پوهنتون متقاعد استادان وستایل شول.

nu_admin
شنبه ۱۴۰۳/۴/۳۰ - ۱۰:۵
Picture

د ننګرهار پوهنتون د مشرتابه له خوا ددې پوهنتون د بېلابېلو پوهنځیو او څانګو د ۱۳ تنو استادانو، چې سږ کال تقاعد ته سوق شوي وو، د اکاډمیکو خدمتونو قدردانی وشو.
په همدې مناسبت د ننګرهار پوهنتون ریاست کې ستاینغونډه جوړه شوې وه، چې د ننګرهار پوهنتون رئیس، مرستیالانو او د بېلابېلو پوهنځیو مسؤلینو او استادانو په کې برخه لرله.
غونډې ته د وينا پر مهال د ننګرهار پوهنتون رئيس شـیخ انعام الله مدني په علمي، تدریسي او اداري برخو کې د متقاعدو استادانو د ترسره کړیو خدمتونو یادونه او ستاینه وکړه.


نوموړي وويل: نن ورځ مونږ او تاسې د داسې شخصيتونو په وياړ راټول شوي يو، چې هر یو تن یې نږدې څلور لسیزې د ننګرهار پوهنتون په چوکاټ کې د ولس او خاورې خدمت وکړ.
شـیخ انعام الله مدني زياته کړه: د ننګرهار پوهنتون د علمي پرمختګ او اکاډميکو چارو د سمبالتيا په برخه کې زمونږ د درنو استادانو هڅې او کوښښونه له هیچا پټ نه دي، مونږ يې قدردانى کوو او د الله تعالی  له درباره درنو استادانو ته د اجر او د ښې روغتیا غوښتنه کوو.
د علمي چارو مرستیال پوهندوی مـولوي احسان الله ناصح، د مالي او اداري چارو مرستیال پوهنیار قاضي خالد صداقت او د محصلانو چارو مرستیال پوهنیار حافظ سید محمد قاسم هاشمي د غونډې نور وینال وال وو، چې د متقاعدو استادانو په ترسره کړیو خدمتونو یې رڼا واچوله او د ستاینې تر څنګ یې له هغوی څخه په راتلونکې کې هم د مرستې او علمي همکاریو د دوام غوښتنه وکړه.
د متقاعدو استادانو په استازولۍ د شرعیاتو پوهنځي  متقاعد استاد پوهنوال مـولوي محمد شریف رحماني د پوهنتون له مشرتابه مننه وکړه، چې د دوی خدمتونه يې وستايل او ژمنه يې څرګنده کړه، چې په راتلونکې کې به هم د پوهنتون له ادارې او اړوندو څانګو سره خپلو همکاریو ته دوام ورکړي.
د غونډې په پاى کې د پوهنتون مشرتابه له لوري متقاعدو استادانو ته د هغوی د خدمتونو د قدرداني په موخه ستاینلیکونه او ډالۍ ورکړل شوې.
سرچینه: د عامه اړیکو، اطلاعاتو او نشراتو آمریت

تازه خبرونه

چهارشنبه ۱۴۰۴/۱/۶ - ۲۰:۵۹
Background image

د ننګرهار پوهنتون د نړیوالو ژورنالونو او علمي مجلو مسؤلینو ددې پوهنتون د څېړنو او علمي مجلو مرستیال په مشرۍ غونډه وکړه.

د غونډې پر مهال د نړیوالو ژورنالونو او علمي مجلو روانو چارو غوره مدیریت، اعتبار پیاوړتیا، د لوایحو سره سم د چارو ترسراوي، د تحریر هیئت په امتیازاتو، د مقالو منلو او خپرولو پروسې معیاري. . .

چهارشنبه ۱۴۰۴/۱/۶ - ۲۰:۵۶
Background image

د ژبو او ادبیاتو پوهنځي انګلیسي ژبې او ادب څانګې ماسترۍ برنامې تدریسي بهیر پیل شو.

د ننګرهار پوهنتون ژبو او ادبیاتو پوهنځي د انګلیسي ژبې او ادب څانګه کې (د انګلیسي تطبیقي ژبپوهنې) ماسترۍ د نوې ایجاد شوې برنامې د تدریسي بهیر پرانیسته وشوه. 

په یاده پرانیستغونډه کې د. . .

دوشنبه ۱۴۰۴/۱/۴ - ۱۱:۴۷
Background image

د نورستان محصلینو د چاپېریال سمسورتیا په موخه ننګرهار پوهنتون کې نیالګي کېنول.

د نورستان محصلینو علمي او فرهنګي ټولنې د پاک او زرغون چاپېریال تامین په پار د ننګرهار پوهنتون په بېلابېلو برخو کې لسګونه زینتي بوټي او ګلان وکرل او ویې ویل، چې په دې کار سره غواړي په. . .

BACK TO NEWS

User account menu