د ننګرهار پوهنتون علمي شورا نوبتي غونډه وکړه.

nu_admin
پنجشنبه ۱۴۰۱/۳/۱۹ - ۷:۵۷
image

 

په یاده کاري ناسته کې، چې ددې پوهنتون د رئيس پوهاند دوکتور خليل احمد بهسودوال په مشرۍ ترسره شوه، د لوړو زده کړو وزارت فوق العاده استازي، د علمي چارو او محصلانو چارو مرستیالانو، د بېلابېلو پوهنځيو او تدریسي روغتون رئيسانو او استادانو په کې برخه لرله.

د ننګرهار پوهنتون رئيس پوهاند دوکتور خليل احمد بهسودوال د مجلس د پرانیستې پر مهال د پوهنځیو د عمومي نظارت او څارنې په اړه د شورا غړو ته معلومات ورکړل او د پوهنځیو او څانګو مسؤلینو ته یې لارښوونه وکړه، چې د څارونکي هیئت سپارښتنې په پام کې ونیسي او د پوهنځیو په کچه شته ستونزې او نیمګړتیاوې له منځه ويسي.

نوموړي دغه راز د هغو پوهنځیو د مسؤلینو او استادانو مننه وکړه، چې په یاده ارزونه کې مثبت ارزیابي شوي او په خپلو پوهنځیو کې یې په علمي، تدریسي او رغنیزو برخو کې لاسته راوړنې لرلې.

د مجلس په دویمه برخه کې د ننګرهار، لغمان، کونړ او الفلاح پوهنتونونو د علمي ترفیعاتو ۱۱، رتبې تثبیت ۳، ارتقا ۱ او د تقرر د ۶ کیسونو، د محصلینو عرایضو او ځینو نورو متفرقه مسايلو په اړه بحث او پرېکړې وشوې.

د مجلس په وروستۍ برخه کې د طب پوهنځي رئیس پوهنوال ډاکتر محمد عظیم عظیمي، د وترنري علومو پوهنځي رئیس پوهندوی دوکتور اسدالله دوست، د کمپیوټر ساینس پوهنځي رئیس پوهندوی بادام نیازی او د ښوونې او روزنې پوهنځي رئیس پوهنمل محمد اسحق شهید زوی، چې په خپلو پوهنځیو کې یې په علمي، تدریسي او رغنیزو برخو کې لاسته راوړنې لرلې، د پوهنتون د مشرتابه او د لوړو زده کړو وزارت د فوق العاده استازي له خوا تقدیر او ستاینلیکونه ورکړل شول.

تازه خبرونه

جمعه ۱۴۰۱/۴/۱۰ - ۸:۱۲
Background image

ننګرهار پوهنتون کې د پکتیکا او خوست ولایتونو زلزله ځپلو لپاره د مرستې راټولولو کمپاین په لړ کې یوه بهر مېشتي افغان مبصر طلعت د ۲۵ زره افغانیو مرسته وکړه.

 

ښاغلی طلعت، چې د انګلستان په هېواد کې اوسېږي، یاده مرسته یې ننګرهار پوهنتون ته رالېږلې وه، چې نن ورځ د پوهنتون د رئیس پوهاند دوکتور خلیل احمد بهسودوال له خوا د مرستې راټولولو کمپاین. . .

سه‌شنبه ۱۴۰۱/۴/۷ - ۸:۲۰
Background image

ننګرهار پوهنتون کې د پکتیکا او خوست ولایتونو زلزله ځپلو لپاره د مرستې راټولولو کمپاین پیل شو.

 

یاد کمپاین د ننګرهار پوهنتون د رئیس پوهاند دوکتور خلیل احمد بهسودوال، د لوړو زده کړو وزارت فوق العاده استازي او د پوهنتون د اداري او مالي چارو مرستیال پوهنیار قاضي خالد صداقت او د. . .

دوشنبه ۱۴۰۱/۴/۶ - ۸:۴۳
Background image

د ننګرهار پوهنتون مشرتابه پلاوي د طب او ښوونې او روزنې پوهنځیو د ازموینو بهیر نه لیدنه وکړه.

 

د ننګرهار پوهنتون رئیس پوهاند دوکتور خلیل احمد بهسودوال د لوړو زده کړو وزارت د فوق العاده استازي او د پوهنتون د اداري او مالي چارو مرستیال پوهنیار قاضي خالد صداقت او د محصلانو چارو. . .

BACK TO NEWS