د ننګرهار پوهنتون علمي شورا ددې پوهنتون د رئيس پوهاند دوکتور خليل احمد بهسودوال په مشرۍ غونډه وکړه.

nu_admin
سه‌شنبه ۱۴۰۱/۷/۵ - ۱۲:۳۹
Image

 

په نوموړي کاري ناسته کې، چې د وږي په ۳۰مه نېټه په ریاست مقام کې ترسره شوه او د پوهنتون مرستیالانو، د بېلابېلو پوهنځيو او تدریسي روغتون رئيسانو او استادانو په کې برخه لرله، د پوهنتون د علمي او تدریسي چارو، علمي ترفیعاتو، تقرر او انفکاک کیسونو او يو شمېر نورو مسايلو په اړه بحث او پرېکړې وشوې.

د ننګرهار پوهنتون رئيس پوهاند دوکتور خليل احمد بهسودوال د مجلس د پرانیستې پر مهال په تېره یوه میاشت کې د پوهنتون ادارې د کړنو او لاسته راوړنو په اړه د شورا غړو ته معلومات ورکړل.

نوموړي دغه راز د پوهنځیو د رئیسانو او په ځانګړې توګه د تدریسي روغتون، طب او ښوونې او روزنې پوهنځیو له رئیسانو مننه وکړه، چې د علمي او تدریسي چارو د ښه والي تر څنګ د مرستو جلب او رغنیزو برخو کې لاسته راوړنې لري.

د پوهنتون رئیس د پوهنځیو د ارزونې بهیر د پیل په اړه، چې د تلې په ۲مه نېټه به پیل شي، د شورا غړو ته معلومات ورکړل او د چمتووالي تر څنګ یې د پوهنځیو او څانګو مسؤلینو ته د نظارت او ارزونې کمېټې سره د همکارۍ سپارښتنه وکړه.

د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال پوهنیار قاضي خالد صداقت، د علمي چارو مرستیال پوهندوی احسان الله ناصح او د محصلانو چارو مرستیال سید محمدقاسم هاشمي په خپلو خبرو کې د څېړنو تقويې او څېړونکو استادانو او محصلینو ته د اسانتیاوو برابرولو، تضمین کیفیت پروسې پیاوړتیا، د تېر سمستر د ممتازو محصلینو لپاره د ستاینغونډو جوړولو او د HEMIS سیستم د ښه تطبیق په اړه د مجلس ګډونوالو ته لازمې لارښوونې وکړې.

د مجلس په وروستۍ برخه کې د ننګرهار، لغمان او د کونړ سید جمال الدین افغاني پوهنتونونو د علمي ترفیعاتو، تقرر او انفکاک ۱۱ کیسونو، د استادانو او محصلینو پر عرایضو او د ځینو نورو متفرقه مسايلو په اړه بحث او پرېکړې وشوې.

تازه خبرونه

سه‌شنبه ۱۴۰۱/۹/۸ - ۱۲:۶
Background image

د ننګرهار پوهنتون مشرتابه پلاوي د کرنې، ژورنالېزم او ژبو او ادبیاتو پوهنځیو د ازموینو بهیر نه لیدنه وکړه.

 

د ننګرهار پوهنتون رئیس پوهاند دوکتور خلیل احمد بهسودوال د اداري او مالي چارو مرستیال پوهنیار قاضي خالد صداقت، محصلانو چارو مرستيال حافظ سید محمد قاسم هاشمي او د ازموینو مرکزي کمېټې. . .

شنبه ۱۴۰۱/۹/۵ - ۸:۲۶
Background image

د ننګرهار پوهنتون د اړوندو پوهنځیو د ازموینو کمېټو مسؤلینو د پوهنتون مشرتابه سره غونډه وکړه.

 

په یاده کاري ناسته کې، چې د پوهنتون د اداري او مالي چارو مرستیال پوهنیار قاضي خالد صداقت، د محصلانو چارو مرستیال حافظ سید محمد قاسم هاشمي او د ازموینو مرکزي کمېټې مشر پوهاند دوکتور. . .

یکشنبه ۱۴۰۱/۸/۲۹ - ۱۵:۲
Background image

د ننګرهار پوهنتون مرکزي کمپس د بیرونۍ نما د جوړېدو چارې به ډېر ژر پیل شي.

 

په یاده رغنیزه پروژه کې یو کیلومتر او ۱۲ متره پیاده رو، ویاله او په اساسي توګه د پوهنتون د عمومي دروازې جوړېدل شامل دي، چې د جلال آباد ښاروالۍ سره په همغږۍ د UNOPS ادارې د ۱۲۶۰۰۰ زره. . .

BACK TO NEWS