د ننګرهار پوهنتون سولې مرکز په چوکاټ کې د کونړ سید جمال الدین افغاني په پوهنتون کې سولې مرکز په فعالیت پیل وکړ.

sakhizada_admin
شنبه ۱۳۹۹/۹/۸ - ۱۲:۴۷
iamge

 

په هغه غونډه کې چې په همدې موخه د سیدجمال الدین پوهنتون د غونډو تالار کې جوړه شوې وه،د یاد پوهنتون رییس پوهنوال دوکتور محمد ګلاب عمري وویل:«د خوشحالۍ ځای دی چې د ننګرهار پوهنتون په هلو ځلو د کونړ سیدجمال الدین پوهنتون کې د ننګرهار پوهنتون سولې مرکز په چوکاټ کې سولې مرکز د محصلینو ظرفیت لوړونې په موخه جوړشو.»

نوموړي د ننګرهار پوهنتون سولې پر فعالیتونه خوښي وښوده او زیاته یې کړه چې کونړ پوهنتون د یاد مرکز له چارو ننګه کوي او په دې برخه کې له ننګرهار پوهنتون سره هر راز همکارۍ ته تیار دی.

د نوموړي په وینا چې جنګ د ټولنې د بربادۍ اصلي لامل دی،نو د دې لامل د ختمولو له پاره باید سولې ته تلپاتې کار وشي،چې د سولې مرکز فعالیتونه همدې تلپاتې سولې له پاره اړین بلل کېږي.

په یاده غونډه کې د ننګرهار پوهنتون رییس پوهاندډاکټر خلیل احمد بهسودوال هم خوښي وښوده چې کونړ سیدجمال الدین افغاني پوهنتتون کې د سولې مرکز جوړ شو.

ښاغلی بهسودوال وویل چې د ننګرهار پوهنتون د اوسنیو پرمختګونو اصلي لامل د ننګرهار پوهنتون سولې مرکزدی.

نوموړي زیاته کړه چې د ننګرهار پوهنتون سولې مرکز د محصلینو له فکري روزنې سره هغوی ته په ټولنه کې د خیررسونې ذهنیت هم ورکوي،تر څو ټولنه کې له بې وزلو هېوادوالو سره مرستې وکړي،چې ښې بیلګې یې د وینو کمپاینونه،بې وزلو سره نقدي مرستې او دکتابونو راټولو کمپاینونه دي.

د ننګرهار پوهنتون رییس زیاته کړه چې تر دې وړاندې هم د یاد پوهنتون سره دوی د مرستو تفاهملیکونه لاسلیک کړي چې د محصلینو د څېړنو او واکسینونو سروي ګانو یې د یادونې وړ دي.

د ننګرهار پوهنتون رییس هیله وښودله چې د کونړ پوهنتون سیدجمال الدین افغاني پوهنتون سولې مرکز به هم د ننګرهار پوهنتون سولې مرکز په شان د پوهنتون په پرمختګ کې عمده رول ولوبوي.

د کونړ والي ښاغلی محمد اقبال سعید د غونډې برخه والو ته په خپلو خبرو کې وویل چې افغانان سولې ته ډېره اړتیا لري،نو باید سولې ته له عملي مرکزونو کار وشي.

هغه زیاته کړه چې د ننګرهار پوهنتون سولې مرکز فعالیتونه زموږ ټولنې اړتیاوو ته په کتو برابرشوي،چې په دې برخه کې د ننګرهار پوهنتون مسوولینو هلې ځلې د قدر وړ دي.

د کونړ والي زیاته کړه چې کونړ کې شته جرګې چې ښې پایلې لرلې باید د مقالو په شکل د یاد مرکز محصلینو له خوا وړاندې شي،همدارنګه د نړیوالو جګړو په اړه مقالې ،کنفرانسونه ،ټریننګونه او ورکشاپونه دایر شي.

د ننګرهار پوهنتون پخوانی رییس او د طب پوهنځي استاد پوهنمل داکټر یحیی فهیم د خپلو خبرو په لړ کې وویل چې د سولې مرکز د علمي او ټولنیزو برنامو په پایله کې ننګرهار پوهنتون کې اوس دسپلیني سزا صفر ته ښکته شوې ده،ځکه اوس محصلین په علمي او ټولنیزو کارونو بوخت دي.

نوموړي وویل چې سولې مرکز د ننګرهار پوهنتون په هر اړخیز بدلون کې مثبت رول لوبولی،نو هیله ده چې کونړ کې هم یاد مرکز همدا شان بدلونونه راولي.

ښاغلی فهیم زیاته کړه :«د خوشحالۍ ځای دی چې د سولې مرکز د ننګرهار پوهنتون سولې مرکز په چوکاټ کې کونړ سیدجمال الدین افغاني پوهنتون کې جوړ شو.»

هغه دلوړو زده کړو له وزارته غوښتنه وکړه چې په یاد پوهنتون کې د ځنګلونو د ساتنې پوهنځی دې هم جوړ کړي.

په غونډه کې قومي مشر او د کونړ پخوانی والي حاجي محمد روزي صافی،د ولایتي شورا منشي جمال الدین سیار او په مشرانو جرګه کې پخوانی سناتور رفیع الله حیدري هم ویناوال ول.

په یاده غونډه کې د ننګرهار پوهنتون د محصلانو چارو مرستیال پوهندوی سید اکرم هاشمي،د ننګرهار پوهنتون اقتصاد پوهنځي استاد او د سولې مرکز مسوول پوهندوی نعیم جان سروري، د ننګرهار پوهنتون ژبو او ادبیاتو پوهنځي استاد او د سولې مرکز ماستر ټرینر پوهنیار دوکتور محمد دوست صافی،د ننګرهار پوهنتون د ژورنالیزم پوهنځي استاد او د سولې مرکز د ځوانانو روزونکی پوهنیار احمد جمیل پوپلزی او د کونړ سیدجمال الدین افغاني پوهنتون درانه استادان هم ګډونوال وو.

تازه خبرونه

دوشنبه ۱۳۹۹/۱۰/۲۹ - ۸:۴۸
Background image

د کونړ د سید جمال الدین افغاني پوهنتون مخکېني رئیس او د ننګرهار پوهنتون د ژبو او ادبیاتو پوهنځي د عربي څانګې استاد میر احمد حامد د اکاډمیکو خدمتونو قدردانی وشو

 

په همدې مناسبت د ژبو او ادبیاتو په پوهنځي کې ستاینغونډه جوړه شوې وه، چې د یاد پوهنځي د رئیس او استادانو سربېره په کې د ننګرهار پوهنتون رئیس پوهاند دوکتور خلیل احمد بهسودوال، د علمي. . .

دوشنبه ۱۳۹۹/۱۰/۲۹ - ۸:۴۶
Background image

د ننګرهار پوهنتون د برېښنايي زده کړو کمېټې نوی مشر د یادې کمېټې غړو ته وروپېژندل شو

 

پوهنیار محمد یونس وزیري د برېښنايي زده کړو کمېټې د نوي مشر په توګه د ننګرهار پوهنتون د رئیس پوهاند دوکتور خلیل احمد بهسودوال له خوا د یادې کمېټې غړو ته وروپېژندل شو او د کمېټې د. . .

پنجشنبه ۱۳۹۹/۱۰/۲۵ - ۹:۴
Background image

ننګرهار پوهنتون کې د اساسي قانون اوونۍ ونمانځل شوه

 

په یاده نمانځغونډه کې ويناوالو د اساسي قانون په تاريخچې، محتوا، اړتیا او ارزښت، حاکميت او د تطبيق په مواردو بحث وکړ.

د اساسي قانون اوونۍ د نمانځې په نوموړې غونډه کې د ننګرهار. . .

BACK TO NEWS