د ننګرهار پوهنتون رئیس او د محصلانو چارو مرستیال ددې پوهنتون د اړوندو پوهنځیو د تدریسي بهیر څخه نظارت وکړ.
د ننګرهار پوهنتون رئیس شیخ انعام الله مدني او د محصلانو چارو مرستیال پوهنیار حافظ سید محمد قاسم هاشمي ددې پوهنتون د یو شمېر پوهنځیو د روان تدریسي بهیر څخه لیدنه وکړه او د نظارت په موخه یې د استادانو، اداري کارکوونکو او محصلینو حاضرۍ کنترول کړې.
نوموړو د پوهنځیو مسؤلینو او محصلینو ته سپارښتنه وکړه، چې په ورځنیو چارو کې د لوړو زده کړو وزارت لوایح او مقررات په پام کې ونیسي او د خپلسرو رخصتیو او غیر حاضریو څخه ډډه وکړي.
نوموړو ډاډ ورکړ، چې د پوهنتون رهبري د محصلینو معیاري زده کړو او هوساینې لپاره نه ستړې کېدونکې هلې ځلې کوي او محصلینو ته یې سپارښتنه وکړه، چې په پوره لېوالتیا خپلو درسونو ته راشي.
