د ننګرهار پوهنتون د نړیوال ژورنال (NUIJB) علمي بورد خپله نوبتي غونډه وکړه.
په یاده کاري ناسته، کې چې د ننګرهار پوهنتون د علمي چارو مرستیال په مشرۍ ترسره شوه او د نړیوال ژورنال د علمي بورډ غړو په کې ګډون کړی و، د دویمې ګڼې ارزونې سربېره د ژورنال د چاپ، مالي امکاناتو برابرولو او بېلابېلو مسایلو په اړه بحث او خبرې وشوې.
د غونډې پر مهال پرېکړه وشوه، چې د پلجریزم لپاره د سافټویر یوزر نوی او د یو بل استاد په واک کې ورکړل شي.
همدارنګه د ژورنال د چاپ په پروسه کې د بهتروالي رامنځ ته کېدو او د مقالو د ارزونې بهیر د نړیوالو معیارونو مطابق ترسره کولو په اړه لازم نظریات وړاندې شول.
د ننګرهار پوهنتون د علمي چارو مرستیال پوهندوی مولوي احسان الله ناصح اړونده برخه کې د بېلابېلو سپارښتنو تر څنګ د ژورنال په نویو ګڼو کې د علمي معیارونو په پیاوړتیا او د څېړنو کیفیت په لوړولو ټینګار وکړ.
د مجلس په پای کې پر یو لړ متفرقه موضوعاتو هم خبرې او په اړه یې لازمې پرېکړې وشوې.
سرچینه: د اطلاعاتو، نشراتو او عامه اړیکو آمریت
