د ننګرهار پوهنتون د مسلکي زده کړو پرمختیایي مرکز نوی مسؤل د یاد مرکز منسوبینو ته وروپېژندل شو.

nu_admin
شنبه ۱۴۰۰/۳/۱۵ - ۷:۵۹
image

 

د وترنري علومو پوهنځي استاد پوهنیار محمد ملیار رحماني د ننګرهار پوهنتون د رئیس پوهاند دوکتور خلیل احمد بهسودوال له خوا د دې پوهنتون د مسلکي زده کړو پرمختیایي مرکز (PDC) د نوي آمر په توګه د نوموړي مرکز منسوبینو ته وروپېژندل شو او د مخکېني آمر پوهندوی احمد فرید روان د هڅو او خدمتونو تقدیر او ستاینه وشوه.

په همدې اړه جوړو شویو مراسمو ته د وینا پر مهال د ننګرهار پوهنتون رئیس پوهاند دوکتور خلیل احمد بهسودوال د مسلکي زده کړو پرمختیایي مرکز د مخکېني آمر پوهندوی احمد فرید روان د ترسره کړیو خدمتونو یادونه او ستاینه وکړه.

نوموړي وویل: استاد روان د مرکز د تاسیس له مهاله د علمي څېړنو، تدریسي میتودونو، نصاب، پلان او پالېسۍ، تضمین کیفیت، ټولنیزې سولې او نورو برخو کې د ننګرهار پوهنتون سربېره د ګڼو نورو دولتي او خصوصي پوهنتونونو او تحصیلي موسساتو د استادانو او محصلینو د روزنیزو کورسونو او ورکشاپونو د همغږۍ په برخه کې نه ستړې کېدونکې هلې ځلې کړي.

پوهاند بهسودوال وویل: دا چې استاد روان د دوکتورا زده کړو لپاره د جاپان هېواد اوکایاما پوهنتون ته لار پیدا کړې، مونږ ورته د مبارکۍ تر څنګ د نورو بریاوو او لاسته راوړنو هیله کوو او پر ځای یې پوهنیار محمد ملیار رحماني د یاد مرکز د نوي آمر په توګه ټاکو.

د پوهنتون رئیس پوهنیار رحماني وړ او په کار پوه شخص یاد کړ، چې په وینا یې، په راتګ سره به یې د PDC مرکز چارې لا زیاتې ښې او منظمې شي.

د مسلکي زده کړو پرمختیایي مرکز نوي آمر پوهنیار محمد ملیار رحماني د پوهنتون له مشرتابه مننه وکړه، چې په نوموړي یې ددې دندې باور وکړ او ژمنه یې وکړه، چې په خپل ټول توان سره به د یاد مرکز د چارو سمبالښت او پرمختګ لپاره هلې ځلې وکړي.

د یادونې وړ ده، چې په نوموړې پېژندغونډه کې د علمي چارو مرستیال پوهندوی دوکتور محمد حامد کډوال، د محصلانو چارو مرستیال پوهنوال سید اکرم هاشمي او د پوهنتون د علمي تحقیقاتو کمېټې مشر پوهندوی عنایت الله حبیبي هم حضور درلود.

تازه خبرونه

چهارشنبه ۱۴۰۰/۴/۲ - ۷:۱۳
Background image

ننګرهار پوهنتون کې د پایلو پر بنسټ او محصل محورۍ (OBE-SCL) تدریسي تګلارو د زده کړې ۱۲ ورځنی ورکشاپ پای ته ورسېد.

 

یاد ورکشاپ د پوهنتون د مسلکي زده کړو پرمختیایي مرکز (PDC) په نوښت د سپین غر لوړو زده کړو موسسې استادانو ته جوړ شوی ؤ.

د ننګرهار پوهنتون د علمي چارو مرستیال پوهندوی دوکتور محمد حامد. . .

پنجشنبه ۱۴۰۰/۳/۲۷ - ۷:۳۴
Background image

ننګرهار پوهنتون کې د HEMIS سیستم دوه ورځنی روزنیز ورکشاپ پیل شو.

یاد ورکشاپ د لوړو زده کړو وزارت د محصلانو چارو ریاست په نوښت ددې پوهنتون د محصلانو د خدمتونو انسجام آمریت کې جوړ شوی، چې د ننګرهار پوهنتون سربېره د کونړ، لغمان او نورستان پوهنتونونو. . .

دوشنبه ۱۴۰۰/۳/۲۴ - ۹:۵۷
Background image

د ننګرهار پوهنتون پلان او پالېسۍ کمېټې ددې پوهنتون د رئيس پوهاند دوکتور خليل احمد بهسودوال په مشرۍ غونډه وکړه.

 

په نوموړې کاري ناسته کې، چې د پوهنتون د علمي چارو مرستيال پوهندوى دوکتور محمد حامد کډوال، د محصلانو چارو مرستيال پوهنوال سيد اکرم هاشمي او د اداري او مالي چارو مرستیال مسعود پیروزي. . .

BACK TO NEWS