د ننګرهار پوهنتون د محصلانو چارو مرستیال د طب پوهنځي لیلیې څخه لیدنه وکړه.
د ننګرهار پوهنتون د محصلانو چارو مرستیال مولوي عبیدالله عابد د پوهنتون لیلیو عمومي مدیر مولوي عبدالحکیم حقاني په ملتیا تېره ورځ ماښام مهال د طب پوهنځي لیلیې څخه لیدنه وکړه او هلته یې د لیلیه محصلینو د اعاشې، اباتې او نورو سهولتونو د کیفیت ارزونه وکړه.
د محصلانو چارو مرستیال له لیلیه مېشتو محصلینو سره په دې لیدنه کې د هغوی ستونزې، وړاندیزونه او غوښتنې واورېدې او ډاډ یې ورکړ، چې د شته امکاناتو لا ښه کولو او اړتیاوو پوره کولو برخه کې به لا زیاتې هڅې وکړي.
نوموړي وویل، د لیلیې نظم، پاکوالی او عامه شتمنۍ ساتنه د ټولو محصلینو ګډ مسؤلیت دی او سپارښتنه یې ورته وکړه، چې له شته فرصت څخه د مطالعې او علمي پرمختګ لپاره اعظمي ګټه واخلي.
