د ننګرهار پوهنتون د محصلانو چارو مرستیال او د دعوت او ارشاد امریت مسؤلینو له خوا د دې پوهنتون د ۱۴ ګونو پوهنځیو ارزونه بشپړه شوه.
د ختیځ زون امارتي او خصوصي پوهنتونونو لپاره د لوړو زده کړو وزارت د دعوت او ارشاد مسؤل او د ننګرهار پوهنتون د محصلانو چارو مرستیال شیخ شاکر الله وحدت د دې پوهنتون د دعوت او ارشاد آمر مولوي خلیل الله معصوم او مبلغینو په ملتیا د پوهنتون د ۱۴ ګونو پوهنځیو ارزونه بشپړه کړه.
له پوهنځیو څخه د ترسره شویو لیدنو په ترڅ کې د محصلانو چارو مرستیال او دعوت او ارشاد مسؤلینو د پوهنځیو رئیسانو، استادانو، اداري او خدماتي کارکوونکو سره د دعوت او ارشاد اړوند د امیرالمؤمنین حفظه الله تعالی او لوړو زده کړو وزارت محترم مقام فرامین، هدایات او سپارښتنې شریکې کړې، د تدریسي بهیر پیاوړتیا، محصلینو سالمې روزنې او شته ستونزو حل په موخه یې ورته لازمې لارښوونې وکړې او د هغوی ستونزې او وړاندیزونه یې واورېدل.
د ننګرهار پوهنتون د محصلانو چارو مرستیال شیخ شاکرالله وحدت په وینا له پوهنځیو څخه د لیدنو موخه یې د هر پوهنځي حقیقي وضعیت ارزونه، په کې د دعوت او ارشاد بهیر پیاوړتیا، د محصلینو ستونزو حل او د یو سالم، منظم او اسلامي شریعت سره برابر درسي او زده کړییز چاپېریال رامنځ ته کول وو.
