د ننګرهار پوهنتون او التقوی لوړو زده کړو موسسې تر منځ د ګډو همکاریو هوکړه لیک لاسليک شو.

nu_admin
سه‌شنبه ۱۴۰۰/۴/۸ - ۷:۴۴
image

 

د مسؤلينو په وينا، د ياد تفاهملیک له مخې به دواړه بنسټونه په علمي، تدریسي، څېړنو، عملي زده کړو، استادانو تقرر او نورو برخو کې له یو بل سره همکاري کوي.

نوموړى هوکړه لیک د ننګرهار پوهنتون د رئیس پوهاند دوکتور خلیل احمد بهسودوال په حضور کې د علمي چارو مرستیال پوهندوی دوکتور محمد حامد کډوال او د التقوی لوړو زده کړو موسسې د علمي چارو مرستیال محمد اسماعیل مومند له خوا لاسلیک شو.

د التقوی لوړو زده کړو موسسې د علمي چارو مرستیال محمد اسماعیل مومند په تېر کې له خپلې تحصیلي موسسې سره د ننګرهار پوهنتون د اکاډمیکې مرستې او همکارۍ یادونه وکړه او د مننې تر څنګ يې په راتلونکې کې د هغې پر دوام ټینګار وکړ.

د ننګرهار پوهنتون رئیس پوهاند دوکتور خلیل احمد بهسودوال د پوهنتونونو او تحصیلي بنسټونو تر منځ د متقابلو اړیکو او همکاریو پر ارزښت خبرې وکړې او نوموړي ته یې په اړونده برخه کې د مرستې او همکارۍ ډاډ ورکړ.

د یادونې وړ ده، چې په نوموړي مجلس کې د ننګرهار پوهنتون د محصلانو چارو مرستیال پوهنوال سید اکرم هاشمي، د بهرنیو اړیکو کمېټې مشر پوهنمل دوکتور محمد دوست صافي، د التقوی لوړو زده کړو موسسې اداري مرستیال زبیر حسرت، د تضمین کیفیت آمر نقیب الله مطمین او د نشراتو آمر حبیب الله لوراند هم برخه لرله.

تازه خبرونه

شنبه ۱۴۰۳/۳/۵ - ۸:۴۷
Background image

د لوړو زده کړو وزارت د اداري او زیربنا ریاست څخه راغلي پلاوي د ننګرهار پوهنتون له مشرتابه سره ولیدل.

یاد پلاوي، چې په تشکیل کې یې د لوړو زده کړو وزارت څلور تنه انجنیران شامل دي، د ننګرهار پوهنتون رئیس، مرستیالانو، د پوهنځیو رئیسانو او د تدارکاتو آمر سره د پوهنتون د شرعیاتو او حقوقو. . .

چهارشنبه ۱۴۰۳/۳/۲ - ۸:۳۹
Background image

ننګرهار پوهنتون کې د شـ.هید امــ/يرالمؤمنين ملا اختر محمد منصور (رحمه الله) د اتم تلین په مناسبت د قرانکريم ختم او ياد غونډه ترسره شوه.

په همدې پار د ننګرهار پوهنتون په جامع مسجد کې مراسم جوړ شوي و، چې په کې د ننګرهار پوهنتون د علمي چارو او محصلانو چارو مرستيالانو، د بېلابېلو پوهنځیو رئیسانو، استادانو او محصلینو ګډون. . .

سه‌شنبه ۱۴۰۳/۳/۱ - ۱۲:۳۲
Background image

د ننګرهار پوهنتون اقتصاد پوهنځي ۳۷ تنه محصلین د کمپیوټر زده کړو له روزنیز کورس څخه فارغ شول.

د کمپيوټر زده کړې یاد روزنیز کورس، چې د درې تنو استادانو له لوري په کې تدریس کېده، د اقتصاد پوهنځي (PDC) څانګې له خوا د پوهنځي ریاست سره په همغږۍ ۳ میاشتې وړاندې پیل شوی و او د اقتصاد. . .

BACK TO NEWS

User account menu