د ننګرهار پوهنتون او اریانا لوړو زده کړو موسسې تر منځ د ګډو همکاریو تفاهملیک لاسليک شو.

nu_admin
سه‌شنبه ۱۴۰۱/۱۲/۲۳ - ۱۰:۱
pic

د مسؤلينو په وينا، د ياد تفاهملیک له مخې به دواړه بنسټونه د راتلونکو درېو کلونو لپاره په علمي، تدریسي، څېړنو او نورو برخو کې له یو بل سره همکاري کوي.

نوموړى هوکړه لیک د ننګرهار پوهنتون د رئیس پوهاند دوکتور خلیل احمد بهسودوال په حضور کې ددې پوهنتون د علمي چارو مرستیال پوهندوی احسان الله ناصح او د اریانا لوړو زده کړو موسسې د علمي چارو مرستیال پوهنمل دوکتور مسعود صافي له خوا د کب په ۲۲نېټه لاسلیک شو.

د اریانا لوړو زده کړو موسسې د علمي چارو مرستیال پوهنمل دوکتور مسعود صافي ننګرهار پوهنتون په تاریخي او علمي لحاظ د هېواد دویم ستر پوهنتون یاد کړ او په تېر کې یې له خپلې تحصیلي موسسې سره ددې پوهنتون د مرستو او همکاریو یادونه وکړه.

نوموړي د مننې تر څنګ وویل: خوښ دی، چې له ننګرهار پوهنتون سره د همکارۍ او همغږۍ یو بل پړاو ته داخلېږي او په راتلونکې کې یې د لا زیاتو همکاریو غوښتنه وکړه.

د ننګرهار پوهنتون رئیس پوهاند دوکتور خلیل احمد بهسودوال د پوهنتونونو او تحصیلي بنسټونو تر منځ د متقابلو اړیکو او همکاریو پر ارزښت خبرې وکړې او د اریانا لوړو زده کړو موسسې مسؤلینو ته یې په اړوندو برخو کې د مرستې او همکارۍ ډاډ ورکړ.

د یادونې وړ ده، چې په نوموړي مجلس کې د ننګرهار پوهنتون د اداري او مالي چارو مرستیال پوهنیار قاضي خالد صداقت، محصلانو چارو مرستیال حافظ سید محمدقاسم هاشمي او د اریانا لوړو زده کړو موسسې د طب پوهنځي رئیس، استادانو او د علمي څېړنو آمر محمد ابراهیم عظیمي هم برخه لرله.

تازه خبرونه

دوشنبه ۱۴۰۲/۱۱/۲۳ - ۲۲:۸
Background image

د ننګرهار پوهنتون په نوښت جوړ شوی اقليم بدلون نړيوال کنفرانس پای ته ورسېد.

ياد کنفرانس چې د سلواغې په ۲۱ نېټه پيل او درې ورځې يې دوام وکړ، د وروستۍ ورځې په مناسبت يې د ښېوې ولسوالۍ اړوند ناکامورا پارک کېيي مراسم جوړ شوي وو، چې په کې د ننګرهار پوهنتون رئيس او. . .

یکشنبه ۱۴۰۲/۱۱/۲۲ - ۲۰:۴۹
Background image

ننګرهار پوهنتون کې د داير شوي اقليم بدلون نړيوال کنفرانس دويمه ورځ هم په بريا سره پای ته ورسېده.

د ننګرهار پوهنتون په کوربتوب او د لوړو زده کړو وزارت په همکارۍ د جوړ شوي اقليم بدلون نړيوال کنفرانس دويمه ورځ، چې د کنفرانس د محتوا اړوند د ګډونوالو علمي او تحقيقي مقالو ته ځانګړې شوې. . .

شنبه ۱۴۰۲/۱۱/۱۴ - ۱۲:۴۹
Background image

ننګرهار پوهنتون طب پوهنځي ۹۱ تنه مسلکي کادرونه فارغ او ټولنې ته د خدمت په موخه وړاندې کړل.

د پوهنتون د مسؤلينو په وينا، ياد فارغان يې په ۵۷ مه تحصیلي دوره کې د معالجوي طب په برخه کې روزلي دي.

په همدې مناسبت د جلال آباد ښار ستاره شرق هوټل تالار کې ستره غونډه جوړه شوې وه، چې د. . .

BACK TO NEWS