د ننګرهار پوهنتون اقتصاد پوهنځي ۳۷ تنه محصلین د کمپیوټر زده کړو له روزنیز کورس څخه فارغ شول.

nu_admin
سه‌شنبه ۱۴۰۳/۳/۱ - ۱۲:۳۲
Picture

د کمپيوټر زده کړې یاد روزنیز کورس، چې د درې تنو استادانو له لوري په کې تدریس کېده، د اقتصاد پوهنځي (PDC) څانګې له خوا د پوهنځي ریاست سره په همغږۍ ۳ میاشتې وړاندې پیل شوی و او د اقتصاد پوهنځي ۳۷ تنه محصلینو په کې زده کړه وکړه.
په همدې پار جوړو شویو مراسمو کې د ننګرهار پوهنتون رئیس شـــیخ انعام الله مدني، د محصلانو چارو مرستیال پوهنیار حافظ سید محمد قاسم هاشمي، د اقتصادي پوهنځي رئیس پوهنمل محمد صادق رهنما، د یاد پوهنځي استادانو او محصلینو ګډون کړی و.
غونډې ته د وینا پر مهال د ننګرهار پوهنتون رئیس شـــــیخ انعام الله مدني د کمپیوټر زده کړه د وخت اړتیا وبلله، اوس وخت کې يې د هغې پر اهمیت خبرې وکړې او د عصري ټیکنالوژۍ زده کړه یې پر اهل علمو لازمه وګڼله.
نوموړي د معلوماتي ټکنالوژۍ له زده کړې پرته پرمختګ ناشونی یاد کړ او محصلین یې په دغه ډول ښوونیزو او روزنیزو برنامو کې د ګډون لپاره تشویق کړل.
د ننګرهار پوهنتون د محصلانو چارو مرستیال پوهنيار حافظ سید محمد قاسم هاشمي د خپلې وینا پر مهال له ياد روزنيز کورس څخه فراغت  محصلینو لپاره ستره لاسته راوړنه وبلله او زیاته یې کړه، هڅه کوي د پوهنتون محصلینو ته د هر راز زده کړو لپاره یو بشپړ اکاډمیک چاپېریال رامنځ ته کړي، چې محصلین په کې د تیوریکي او عملي زده کړو تر څنګ سالمې بوختیاوې هم ترسره کړای شي.
د غونډې پر مهال د اقتصاد پوهنځي د سوداګرۍ څانګې آمر پوهنمل صفي الله خليلزی د هغه د اکاډميکو فعاليتونو او علمي سيمينارونو وړاندې کولو له کبله تقدير شو.
د غونډې په پای کې د پوهنتون رهبرۍ غړو او اقتصاد پوهنځي مسؤلينو له خوا کورس څخه فارغو محصلينو ته تصديق نامې او د پوهنځي ممتازو محصلينو ته ستاينليکونه ورکړل شول.
سرچينه: د عامه اړيکو، اطلاعاتو او نشراتو امريت

تازه خبرونه

دوشنبه ۱۴۰۳/۳/۲۱ - ۱۳:۵۵
Background image

د ننګرهار پوهنتون د لیلیې د نظم او دسپلین کمېسیون ددې پوهنتون د رئیس په مشرۍ غونډه وکړه.

په یاده کاري ناسته کې، چې د پوهنتون د رئیس سربېره د علمي چارو او محصلانو چارو مرستیالانو او کمېټې غړو برخه درلوده، د پوهنتون د بېلابېلو پوهنځیو د محصلینو اړوند د اصولو او مقرراتو څخه د. . .

دوشنبه ۱۴۰۳/۳/۲۱ - ۱۳:۵۲
Background image

د ننګرهار پوهنتون وترنري علومو پوهنځي نوی رئيس د نوموړي پوهنځي استادانو او منسوبينو ته وروپېژندل شو.

پوهندوی رضوان الله ممله وال د نوموړي پوهنځي د نوي رئيس په توګه له ټاکل کېدو وروسته رسماً د پوهنتون د رئيس شـیخ انعام الله مدني له لوري د اړوند پوهنځي استادانو او اداري کارکوونکو ته. . .

یکشنبه ۱۴۰۳/۳/۲۰ - ۱۶:۵۱
Background image

د ننګرهار پوهنتون شرعیاتو پوهنځي له اسلامي تعلیماتو څانګې څخه ۶۴ تنه فارغ شول.

د ننګرهار پوهنتون شرعیاتو پوهنځي اسلامي تعلیماتو څانګې په خپله ۲۳مه دوره کې ۶۴ تنه علمي کادرونه فارغ او ټولنې ته یې د خدمت په موخه وړاندې کړل.
په همدې پار د ننګرهار پوهنتون شرعیاتو. . .

BACK TO NEWS

User account menu