د ننګرهار پوهنتون اداري او تقرر او انفکاک مجلسونه ددې پوهنتون د رئيس پوهاند دوکتور خليل احمد بهسودوال په مشرۍ ترسره شول.

nu_admin
چهارشنبه ۱۴۰۰/۶/۱۰ - ۷:۴۷
image

 

په یادو کاري ناستو کې، چې د پوهنتون د محصلانو چارو مرستیال پوهنوال سید اکرم هاشمي او د اړوندو پوهنځيو او تدریسي روغتون رئيسانو او مرستیالانو په کې برخه لرله، د پوهنتون د حضوري درسونو د پیل، علمي کادر غړو تقرر او ځینو نورو مسايلو په اړه بحث او خبرې اترې وشوې.

د اداري مجلس د پرانیستې پر مهال د ننګرهار پوهنتون رئیس پوهاند دوکتور خلیل احمد بهسودوال د پوهنځیو رئیسانو ته سپارښتنه وکړه، چې په حضوري توګه د درسونو د پیل لپاره بشپړ چمتووالی او اړین تدابیر ونیسي.

نوموړي د پوهنتون د درسونو د پیل په اړه د مجلس له غړو د یوې طرحې غوښتنه وکړه، چې تر زیات بحث وروسته د رایو په یووالي تائید شوه، چې د وږي په ۱۵مه نېټه دې د دویم سمستر پاتې درسونه پیل او د تلې تر ۱۵مې نېټې دې دوام وکړي او د سمستر ازموینې دې د تلې میاشتې په وروستیو ۱۵ ورځو کې واخیستل شي او د نوي سمستر درسونه دې د لړم په لومړۍ نېټه پیل شي.

د مجلس د غړو له خوا پرېکړه وشوه، چې ترتیب شوې طرحه دې د افغانستان د اسلامي امارت د لوړو زده کړو عالي کمېسون او د لوړو زده کړو وزارت محترم مشرتابه ته وسپارل شي او په یاده برخه کې دې د هغوی نهايي پرېکړې او تصمیم ته انتظار وشي.

د مجلس په دویمه برخه کې د ننګرهار پوهنتون د علمي کادر غړو د تقرر ۴ کیسونه او یو لړ نور متفرقه مسایل مطرح او په اړه یې لازمې پرېکړې وشوې.

تازه خبرونه

یکشنبه ۱۴۰۱/۵/۲۳ - ۸:۲۴
Background image

ننګرهار پوهنتون کې (د مور په شېدو سره د ماشوم د تغذیې اوونۍ) د يوې سترې غونډې په ترڅ کې ونمانځل شوه.

 

ياده نمانځغونډه، چې د دې پوهنتون د طب پوهنځي فرهنګي کمېټې له خوا د سپین غر لوړو زده کړو موسسې په تخنیکي مرسته جوړه شوې وه، د ننګرهار پوهنتون او طب پوهنځي د مشرتابه او استادانو سربېره. . .

یکشنبه ۱۴۰۱/۵/۲۳ - ۸:۲۰
Background image

د جلال آباد ښاروالۍ د تخنیکي او سکتوري چارو رئیس د ننګرهار پوهنتون مشرتابه سره ولیدل.

 

د جلال آباد ښاروالۍ د تخنیکي او سکتوري چارو رئیس انجنیر دوست محمد چهاردیوال د ننګرهار پوهنتون رئیس پوهاند دوکتور خلیل احمد بهسودوال سره ولیدل.

په یاده لیدنه کې، چې د لوړو زده کړو. . .

دوشنبه ۱۴۰۱/۵/۱۷ - ۱۰:۹
Background image

په ختیځ کې د دولتي او خصوصي پوهنتونونو مسؤلینو او استادانو د ملګرو ملتونو له خوا د لوړو زده کړو پر سرپرست وزیر د لګېدلو بندیزونو په غبرګون کې اعتراضیه غونډه وکړه.

 

یاد کنفرانس، چې د محرم په ۹مه نېټه د ننګرهار پوهنتون په کوربتوب ترسره شو، ویناوالو یې د غندنې تر څنګ د هېواد په تحصیلي نظام د یادو بندیزونو د ناوړه اغېزو او بدو پایلو په اړه مقالې او. . .

BACK TO NEWS