د ننګرهار علماوو او قومي مخورو جلال آباد ښاروال او د ننګرهار پوهنتون اداري او مالي مرستیال وستایل.

nu_admin
سه‌شنبه ۱۴۰۲/۴/۲۷ - ۸:۲۳
Picture

د ننګرهار د ولسونو په استازیتوب ددې ولایت د بېلابېلو سیمو علماء کرامو، قومي مشرانو، مخورو او ځوانانو د جلال آباد ښاروال الحاج مـ.ـلا نعمت الله اخنـ.ـد او د ننګرهار پوهنتون د اداري او مالي چارو مرستیال پوهنیار قاضي خالد صداقت د کړنو او لاسته راوړنو تقدیر او ستاینه وکړه.

یاد شخصیتونه د یوې سترې غونډې په ترڅ کې، چې د چنګاښ په ۲۶مه نېټه د ننګرهار پوهنتون د غونډو تالار کې جوړه شوې وه او ددې پوهنتون د مسؤلینو، استادانو او محصلینو سربېره په کې د ننګرهار ولایت علماوو، قومي مشرانو او ځوانانو برخه لرله، د اعزاز پګړیو په سرولو سره وستایل شول.

د غونډې د پرانیستې وينا پر مهال د ننګرهار پوهنتون د علمي چارو مرستیال پوهندوی احسان الله ناصح د مکافاتو او مجازاتو د اصل په ارزښت خبرې وکړې او د بیارغونې او پرمختګ په برخو کې یې د یادو مسؤلینو د ترسره کړیو خدمتونو یادونه او ستاینه وکړه.

نوموړي وويل: جلال آباد ښاروال الحاج مـ.ـلا نعمت الله اخنـ.ـد په ډېر کم وخت کې د ښار د ښکلا، نظم او بیارغونې او همدارنګه د اداري او مالي چارو مرستیال پوهنیار قاضي خالد صداقت د ننګرهار پوهنتون د علمي او تدریسي چارو د همغږۍ، اداري او مالي چارو اصلاح، بیارغونې، چاپېریال ساتنې، ښکلا او سمسورتیا او نورو بېلابېلو برخو کې نه ستړي کېدونکې هلې ځلې او خدمتونه ترسره کړي، چې مونږ یې تقدیروو.

ښاغلي ناصح د جلال آباد ښاروال د هغو مرستو او همکاریو ځانګړې یادونه وکړه، چې جلال آباد ښاروال د ننګرهار پوهنتون سره کړي او په وینا یې، چې اوس هم دوام لري.

نوموړي د ننګرهار د علماوو، قومي مخورو او ځوانانو مننه وکړه، چې د کار او زیار خلک ستایي او ستایل شویو ته یې د الله تعالی له درباره د اجر او په راتلونکې کې د لا زیات خدمت کولو د توفیق غوښتنه وکړه.

د علماوو شورا مشر م/ولوي علامحمد مجیدي، دیني عالم او د پوهنتون استاد ش/یخ ضیاءالله حکیمي، دیني عالم م/ولوي عبدالصبور مظهري، مف/تي عبدالوهاب منیب، مف/تي حبیب الله مختار، د قومي مشرانو په استازیتوب حاجي اخترمحمد شینواری او د انجنیري پوهنځي استاد پوهنیار سراج سمسور د غونډې نور ویناوال وو، چې ټولو په خپل وار د جلال آباد ښاروال او د ننګرهار پوهنتون د اداري او مالي چارو مرستیال د کړو خدمتونو ستاینه وکړه او د علماوو او ولسونو د ملاتړ او همکارۍ ډاډ یې ورکړ.

جلال آباد ښاروال او د ننګرهار پوهنتون د اداري او مالي چارو مرستیال د ننګرهار د علماوو، قومي مشرانو او ځوانانو مننه وکړه، چې د دوی کړنې يې وستايلې.

نوموړو د هېواد او ولس خدمت لویه نېکمرغي او سعادت وباله او ژمنه يې وکړه، چې په راتلونکې کې به هم خپلو هلو ځلو ته دوام ورکړي.

د غونډې په وروستۍ برخه کې علماوو او قومي مشرانو جلال آباد ښاروال الحاج مـ.ـلا نعمت الله اخنـ.ـد او د ننګرهار پوهنتون د اداري او مالي چارو مرستیال پوهنیار قاضي خالد صداقت ته د ښو خدمتونو په پار د اعزاز پګړۍ په سر کړې او هغوی ته یې د لا زیاتو خدمتونو د ترسراوي دعا وکړه.

تازه خبرونه

شنبه ۱۴۰۳/۳/۵ - ۸:۴۷
Background image

د لوړو زده کړو وزارت د اداري او زیربنا ریاست څخه راغلي پلاوي د ننګرهار پوهنتون له مشرتابه سره ولیدل.

یاد پلاوي، چې په تشکیل کې یې د لوړو زده کړو وزارت څلور تنه انجنیران شامل دي، د ننګرهار پوهنتون رئیس، مرستیالانو، د پوهنځیو رئیسانو او د تدارکاتو آمر سره د پوهنتون د شرعیاتو او حقوقو. . .

چهارشنبه ۱۴۰۳/۳/۲ - ۸:۳۹
Background image

ننګرهار پوهنتون کې د شـ.هید امــ/يرالمؤمنين ملا اختر محمد منصور (رحمه الله) د اتم تلین په مناسبت د قرانکريم ختم او ياد غونډه ترسره شوه.

په همدې پار د ننګرهار پوهنتون په جامع مسجد کې مراسم جوړ شوي و، چې په کې د ننګرهار پوهنتون د علمي چارو او محصلانو چارو مرستيالانو، د بېلابېلو پوهنځیو رئیسانو، استادانو او محصلینو ګډون. . .

سه‌شنبه ۱۴۰۳/۳/۱ - ۱۲:۳۲
Background image

د ننګرهار پوهنتون اقتصاد پوهنځي ۳۷ تنه محصلین د کمپیوټر زده کړو له روزنیز کورس څخه فارغ شول.

د کمپيوټر زده کړې یاد روزنیز کورس، چې د درې تنو استادانو له لوري په کې تدریس کېده، د اقتصاد پوهنځي (PDC) څانګې له خوا د پوهنځي ریاست سره په همغږۍ ۳ میاشتې وړاندې پیل شوی و او د اقتصاد. . .

BACK TO NEWS

User account menu