د محصلانو چارو مرستیال له نوښتګرو محصلینو سره غونډه وکړه.
د ننګرهار پوهنتون د محصلانو چارو مرستیال ددې معاونیت د چتر لاندې د محصلانو خدمتونو انسجام امریت مسؤلینو په ملتیا د پوهنتون له نوښتګرو محصلینو سره غونډه وکړه.
له دې غونډې څخه هدف د یادو محصلینو له وړتیا او ابتکاراتو څخه ملاتړ، د هغوی پیاوړتیا او د نورو محصلینو سوق او هڅونې په برخه کې د هغوی له مهارتونو څخه ګټه اخیستل و.
د یاد مجلس پر مهال د محصلانو چارو مرستیال پوهنیار حافظ سید محمد قاسم هاشمي نوښتګرو محصلینو ته وویل: چې د خپلو هنرونو او نوښتونو څخه په ګټنې داسې الهام بخښونکي فعالیتونه ترسره کړي، چې نورو محصلینو ته د ذهني او علمي انکشاف زمینه برابره کړي.
نوموړي د یادو محصلینو لاسته راوړنې او هڅې وستایلې او د دوام سپارښتنه یې ورته وکړه.
یادو محصلینو په خپلو خبرو کې د علمي سفرونو سربېره نورو محصلینو ته د خپلو مهارتونو د انتقال په موخه د علمي برنامو او سيمینارونو د ایجاد غوښتنه وکړه، چې د مسؤلینو له لوري ورته د همکارۍ ډاډ ورکړل شو.
