د لوړو زده کړو وزارت مقام رهبري شورا د پرېکړو تطبیق په موخه غونډه وشوه.
د ننګرهار پوهنتون رئیس شیخ انعام الله مدني د دې پوهنتون د علمي چارو، محصلانو چارو، اداري او مالي چارو او څېړنو او علمي مجلو مرستیالانو سره د لوړو زده کړو محترم وزارت رهبري شورا پرېکړې شریکې کړې او د تطبیق په برخه کې یې هغوی ته لارښوونې او سپارښتنې وکړې.
د رهبري شورا یاده غونډه، چې د ننګرهار پوهنتون له لوري په کندهار پوهنتون کې د دایر شوي اسلامي ثقافت کنفرانس په حاشیه کې د لوړو زده کړو محترم وزیر شیخ الحدیث مولوي نداء محمد ندیم په مشرۍ ترسره شوه، پر مهال یې د اسلامي امارت د مشرتابه فرامینو ته جدي پاملرنې، د بې ځایه لګښتونو مخنیوي، استادانو ته د ظرفیت لوړونې برنامو ایجاد، د امارتي پوهنتونونو د ماسټري او دوکتورا برنامو د ازموینو پر لارښود، د محصلینو عملي زده کړو او د یو شمېر نورور اړینو موضوعاتو په اړه خبرې وشوې او اړوندو برخو کې لازم تصامیم ونیول شول.
د ننګرهار پوهنتون د علمي چارو مرستیال پوهندوی مولوي احسان الله ناصح، د محصلانو چارو مرستیال پوهنیار حافظ سید محمد قاسم هاشمي، د اداري او مالي چارو مرستیال حافظ ناکیم ځدران او د څېړنو او علمي مجلو مرستیال پوهندوی دوکتور سعید محمد وقار د پوهنتون مشرتابه ته ډاډ ورکړ، چې د وزارت مقام رهبري شورا د پرېکړو تطبیق په برخه کې به جدي اقدامات ترسره او راپور به یې ورسره شریک کړي.
