د لوړو زده کړو وزارت د تضمین کیفیت او اعتبار ورکولو رئیس د ننګرهار پوهنتون له مسؤلینو سره ولیدل.

nu_admin
یکشنبه ۱۴۰۰/۱۰/۱۲ - ۸:۴۱
image

 

د لوړو زده کړو وزارت د تضمین کیفیت او اعتبار ورکولو رئیس محمد شاکر وحیدي د یوه پلاوي په ملتیا د ننګرهار ولایت د دولتي او خصوصي پوهنتونونو لپاره د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال قاضي خالد صداقت، د علمي چارو مرستیال پوهنمل احسان الله ناصح او د محصلانو چارو مرستیال پوهنوال سید اکرم هاشمي سره ولیدل، چې د لیدنې پر مهال د تضمین کیفیت پروسې پر اړوندو موضوعاتو بحث او خبرې وشوې.

د لوړو زده کړو وزارت د تضمین کیفیت او اعتبار ورکولو رئیس د ننګرهار پوهنتون د مشرتابه، استادانو او منسوبینو مننه وکړه، چې په لوړو نمرو یې بشپړ اکاډمیک اعتبار اخیستی، خو نوموړي وویل چې تضمین کیفیت یوه دوامداره پروسه ده او د اکاډمیک اعتبار ساتلو لپاره لا زیاتو هلو ځلو ته اړتیا ده.

ښاغلي وحیدي د پوهنتون مسؤلینو ته سپارښتنه وکړه، چې ختیز مېشتو دولتي او خصوصي پوهنتونونو او لوړو زده کړو موسسو سره دې د تضمین کیفیت په برخه کې مرسته او همکاري وکړي.

د لوړو زده کړو وزارت فوق العاده استازي قاضي خالد صداقت راغلي پلاوي ته د ننګرهار پوهنتون او دغه راز د ننګرهار ولایت د خصوصي پوهنتونونو او تحصیلي موسساتو د تضمین کیفیت پروسې د وضعیت په اړه معلومات ورکړل او زیاته یې کړه، چې ننګرهار پوهنتون کې د همکارۍ روحیه موجوده ده او د ختیز زون د نورو دولتي او خصوصي پوهنتونونو سره په یاده برخه کې ګډ کار کوي.

د مجلس په وروستۍ برخه کې د علمي چارو مرستیال پوهنمل احسان الله ناصح او د محصلانو چارو مرستیال پوهنوال سید اکرم هاشمي د تضمین کیفیت پروسې د کلنۍ بیاکتنې لپاره د ننګرهار پوهنتون د چمتووالي او ددې پوهنتون له خوا د ننګرهار ولایت د خصوصي پوهنتونونو د ارزونې او د تضمین کیفیت په برخه کې له هغوی سره د ګډ کار په اړه راغلي پلاوي ته معلومات ورکړل.

تازه خبرونه

یکشنبه ۱۴۰۰/۱۱/۳ - ۱۰:۴۸
Background image

د ننګرهار پوهنتون علمي شورا نوبتي غونډه وکړه.

 

په نوموړې کاري ناسته کې، چې د مرغومې په ۳۰ مه نېټه ددې پوهنتون د رئیس پوهاند دوکتور خلیل احمد بهسودوال په مشرۍ ترسره شوه، د استادانو د علمي ترفیعاتو، تقرر او انفکاک کیسونو او يو شمېر. . .

چهارشنبه ۱۴۰۰/۱۰/۲۹ - ۱۰:۲۶
Background image

د ننګرهار پوهنتون تقرر- انفکاک، نظم او دسپلین کمېټو مجلسونه ددې پوهنتون د رئيس پوهاند دوکتور خليل احمد بهسودوال په مشرۍ ترسره شول.

 

په یادو کاري ناستو کې د پوهنتون د مشرتابه سربېره د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال قاضي خالد صداقت، د علمي چارو مرستیال پوهنمل. . .

دوشنبه ۱۴۰۰/۱۰/۲۷ - ۸:۵۹
Background image

د ننګرهار پوهنتون پلان او پاليسۍ کمېټې ددې پوهنتون د رئيس پوهاند دوکتور خليل احمد بهسودوال په مشرۍ غونډه وکړه.

 

په نوموړې کاري ناسته کې، چې د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال، د علمي چارو او محصلانو چارو مرستيالانو او د یادې کمېټې غړو په کې. . .

BACK TO NEWS