د عطاء خيريه بنسټ مسؤلينو د ننګرهار پوهنتون له مشرتابه سره وليدل.

nu_admin
سه‌شنبه ۱۴۰۳/۳/۱۵ - ۲۱:۴۸
Picture

د يادې ليدنې پر مهال، چې د ننګرهار پوهنتون رئيس، مرستيالانو او د ياد بنسټ مشر او يو شمېر غړو په کې حضور درلود، راتلونکي کې د متقابلو همکاريو درلودلو او ولسونو ته د خير ښېګنې د کارونو پراختيا تر څنګ هېواد کې د يو مجهز روغتون جوړولو په هکله بحث او خبرې وشوې.

د ننګرهار پوهنتون رئيس شــ/يخ انعام الله مدني په خپلو خبرو کې د عطاء خيريه بنسټ کړنې وستايلې او له هغه يې مننه وکړه، چې په هېواد کې د کونډو او يتيمانو اړتياوو او ستونزو ته پر وخت رسيده ګي کوي او د هغوی لاسنيوی کوي.

نوموړي زياته کړه، ټول خيريه بنسټونه بايد د الله ج رضا په پام کې نيولو سره خپلې مرستې پر مستحقو او بې وزله هېوادوالو ووېشي.

د ننګرهار پوهنتون د اداري او مالي چارو مرستيال پوهنيار قاضي خالد صداقت او د محصلانو چارو مرستيال پوهنيار حافظ سيد محمد قاسم هاشمي د خپلو خبرو پر مهال نوموړي ته خپله اړونده برخه کې د هر راز همکاريو ډاډ ورکړ او زياته يې کړه، چې د ننګرهار پوهنتون استادان او علمي کادرونه به د ياد بنسټ د چارو په لا پراختيا او پياوړتيا کې ورسره خپلې مشورې او نظريات شريک کړي.

د عطاء خيريه بنسټ مشر او مسؤل عطاء الله شګيوال د ننګرهار پوهنتون له رهبرۍ مننه وکړه، چې د هغه د کړنو قدردانی يې وکړ او ويې ويل، چې د خپلو ناچاره او بې بضاعته هېوادوالو په لاسنيوي او ورسره همکارۍ ترسره کولو کې به د ستړيا احساس ونه کړي.

نوموړي دغه راز د خپل بنسټ پر لرليد، فعاليتونو او راتلونکو پلانونو رڼا واچوله او د ياد بنسټ له لوري په کابل کې د زړه ناروغيو د يو مجهز روغتون جوړېدو په برخه کې يې د ننګرهار پوهنتون طب پوهنځي د استادانو مشورو غوښتنه وکړه، چې د پوهنتون د مشرتابه له خوا ورته په ياده برخه کې د همکارۍ ډاډ ورکړل شو.

سرچينه: د عامه اړيکو، اطلاعاتو او نشراتو امريت

تازه خبرونه

سه‌شنبه ۱۴۰۳/۴/۲۶ - ۲۰:۱۳
Background image

د ننګرهار پوهنتون د تضمین کیفیت مرکزي کمېټې غړو غونډه وکړه.

په یاده کاري ناسته کې، چې ددې پوهنتون د علمي چارو مرستیال په مشرۍ ترسره شوه، د تضمین کیفیت کمېټې په فعالیتونو، د پوهنځیو او څانګو ارزولو، د کمېټې د غړو روزلو او د پوهنتون د اعتبار. . .

سه‌شنبه ۱۴۰۳/۴/۲۶ - ۲۰:۱۰
Background image

ننګرهار پوهنتون کې د ښکلا او سرسبزۍ چارې په چټکۍ سره روانې دي.

یادې چارې، چې ددې پوهنتون د مشرتابه د لارښوونې او د پوهنتون د اداري او مالي چارو مرستیال تر مستقیمې څارنې لاندې د پوهنتون د اداري او خدماتي کارکوونکو له خوا جریان لري، په بشپړېدو سره به. . .

دوشنبه ۱۴۰۳/۴/۲۵ - ۱۴:۸
Background image

د ننګرهار پوهنتون او التقوی لوړو زده کړو موسسې تر منځ د ماسترۍ برنامو په برخه کې د ګډو همکاریو هوکړه لیک لاسليک شو.

د مسؤلينو په وينا، د ياد تفاهملیک له مخې به ننګرهار پوهنتون د التقوی لوړو زده کړو موسسې د حقوقو او سیاسي علومو او اقتصاد پوهنځیو کې د ماسترۍ د نویو برنامو د ایجاد په برخه کې همکاري کوي.. . .

BACK TO NEWS

User account menu