د شپې پوهنځيو پروګرام مسؤلينو او محصلینو د ننګرهار پوهنتون مشرتابه سره ولیدل.
د ننګرهار پوهنتون د شپې پوهنځیو پروګرام مسؤلینو او د یادې دورې د محصلینو استازو په دوه جلا ناستو کې د ننګرهار پوهنتون رئیس پوهاند دوکتور خلیل احمد بهسودوال او مرستیالانو سره ولیدل.
د مجلسونو پر مهال د شپې برنامې د ازموینو بهیر پر څرنګوالي، فیسونو تحویل، د محصلینو پر ستونزو او حل لارو او نورو متفرقه مسایلو بحث او خبرې وشوې.
د يادونې وړ ده، چې ننګرهار پوهنتون د ښوونې او روزنې، شرعياتو، ژبو او ادبياتو، حقوقو او سياسي علومو او اقتصاد پوهنځيو کې د شپې پوهنځيو پروګرام لري، چې دم ګړۍ پکې نږدې دوه زره تنه محصلان په زده کړو بوخت دي.
