د سکتوري وزارتونو په تخصصي او تحقیقاتي برخو کې به د علمي او پوهنتوني کادرونو د وړتیاوو ګټه واخیستل شي.

nu_admin
دوشنبه ۱۴۰۰/۸/۲۴ - ۸:۲۳
image

د سکتوري وزارتونو په تخصصي او تحقیقاتي برخو کې به د علمي او پوهنتوني کادرونو د وړتیاوو ګټه واخیستل شي.

د لوړو زده کړو وزارت مقام او مسؤلین هڅه کوي، چې د هېواد علمي کادرونو، څېړونکو او محصلینو ته د لوړو زده کړو خوندي او مسلکي چاپېریال رامنځته کړي.

یادې خبرې د لوړو زده کړو وزارت علمي معین دوکتور لطف الله خیرخواه د ننګرهار پوهنتون مشرتابه پلاوي سره د لیدنې پر مهال وکړې.

یاده لیدنه، چې د لړم په ۲۰مه د ننګرهار پوهنتون ریاست مقام کې ترسره شوه، ددې پوهنتون د رئیس پوهاند دوکتور خلیل احمد بهسودوال سربېره په کې د علمي چارو مرستيال پوهنمل احسان الله ناصح، د محصلانو چارو مرستیال پوهنوال سید اکرم هاشمي، د بېلابېلو پوهنځیو او تدریسي روغتون رئیسانو او د امارت د لوړو زده کړو عالي کمېسون د ختیز زون مسؤلینو هم برخه لرله.

دوکتور خیرخواه د لوړو زده کړو وزارت په چوکاټ، علمي برنامو، دولتي او خصوصي پوهنتونونو او لوړو زده کړو موسسو په برخه کې د رامنځته شویو اصلاحاتو او سمونو په اړه د مجلس ګډونوالو ته معلومات ورکړل او زیاته یې کړه، چې د قوانینو او لوایحو د بیا کتنې او اصلاح لپاره هم جدي هڅې روانې دي.

د لوړو زده کړو وزارت علمي معین د پوهنتونونو او علمي بنسټونو په مسؤلینو او استادانو غږ وکړ، چې خپل مسؤلیتونه درک او په احسنه توګه ادا او د لوړو زده کړو د ریفورم او اصلاحاتو د بهیر مرسته او ملاتړ وکړي.

د ننګرهار پوهنتون رئیس پوهاند دوکتور خلیل احمد بهسودوال د لوړو زده کړو وزارت د علمي معین او ورسره پلاوي مننه وکړه، چې ننګرهار پوهنتون ته یې تشریف راوړ او د اصلاحاتو په برخه کې د مرستې او ملاتړ د ژمنې تر څنګ یې د پوهنتون ستونزې او مشکلات له نوموړي سره شریک کړل، چې د ښاغلي خیرخواه له خوا ورته په اړونده برخه کې د همکارۍ ډاډ ورکړل شو.

تازه خبرونه

سه‌شنبه ۱۴۰۰/۹/۹ - ۹:۲۱
Background image

د ننګرهار پوهنتون مشرتابه ددې پوهنتون د اړوندو پوهنځیو او اداري څانګو څخه لیدنه وکړه.

 

د ننګرهار پوهنتون رئیس پوهاند دوکتور خلیل احمد بهسودوال، د ننګرهار ولایت د دولتي او خصوصي پوهنتونونو لپاره د لوړو زده کړو وزارت فوق العاده استازي او د ننګرهار پوهنتون د اداري او مالي. . .

سه‌شنبه ۱۴۰۰/۹/۹ - ۹:۱۶
Background image

د ننګرهار پوهنتون د نړیوال علمي ژورنال (NUISJ) اجرائیه بورد مشورتي ناسته وکړه.

 

د یادې کاري ناستې پر مهال د بورد غړو د ژورنال د نشر په شرایطو او په یاده برخه کې د پاتې چارو د ترسراوي په اړه بحث او خبرې اترې وکړې.

د ننګرهار پوهنتون رئیس پوهاند دوکتور خلیل احمد. . .

سه‌شنبه ۱۴۰۰/۹/۹ - ۹:۱۲
Background image

د ننګرهار پوهنتون اداري، تقرر او انفکاک مجلسونه ددې پوهنتون د رئيس پوهاند دوکتور خليل احمد بهسودوال په مشرۍ ترسره شول.

 

په یادو کاري ناستو کې د پوهنتون د مشرتابه سربېره د ننګرهار ولایت د دولتي او خصوصي پوهنتونونو لپاره د لوړو زده کړو وزارت فوق العاده استازي او د ننګرهار پوهنتون د اداري او مالي چارو. . .

BACK TO NEWS