د خواشينۍ او غمشریکۍ پیغام!
په ډېرې خواشينۍ سره خبر شو، چې د ننګرهار پوهنتون ښوونې او روزنې پوهنځي د ریاضي څانګې متقاعد استاد پوهنمل محمد اکرم عمرخېل د ورپېښې ناروغۍ له امله له دې فاني نړۍ سترګې پټې کړې!
انالله وانا اليه راجعون!
پوهنمل عمرخېل د خپل ژوند زیاته برخه د ښوونې او روزنې په ډګر کې د هېوادوالو په خدمت او د زرګونو مسلکي کادرونو په روزنه کې تېره کړه.
د ننګرهار پوهنتون رهبري هیئت او منسوبین په داسې حال کې، چې د ارواښاد استاد مړینه لویه ضایعه بولي، کورنۍ، خپلوانو او دوستانو سره یې ځان په دې درانه غم کې شريک ګڼي.
د لوى خداى (جله جلاله) له درباره مرحوم استاد ته د فردوس جنت او د کورنۍ غړو او دوستانو ته يې د جميل صبر غوښتنه کوي.
الحکم لله
شیخ انعام الله مدني
د ننګرهار پوهنتون رئيس
