د خواشينۍ او غمشریکۍ پیغام!
په ډېرې خواشينۍ سره مو خبر تر لاسه کړ، چې د ننګرهار پوهنتون د اقتصاد پوهنځي د ملي اقتصاد څانګې متقاعد استاد پوهاند ګلاب شاه سبحاني د ورپېښې ناروغۍ له امله له دې فاني نړۍ سترګې پټې کړې!
انالله وانا اليه راجعون!
ارواښاد پوهاند سبحاني د خپل ژوند څه دپاسه څلور لسیزې عمر د هېوادوالو په خدمت او د زرګونو علمي کادرونو په روزنه کې تېر کړ. د ننګرهار پوهنتون رهبري هیئت او منسوبین په داسې حال کې، چې د ارواښاد استاد مړینه لویه ضایعه بولي، کورنۍ، خپلوانو او دوستانو سره یې ځان په دې درانه غم کې شريک ګڼي.
د لوى خداى (جله جلاله) له درباره ارواښاد استاد ته د فردوس جنت او د کورنۍ غړو او دوستانو ته يې د جميل صبر غوښتنه کوي.
الحکم لله
پوهاند دوکتور خليل احمد بهسودوال
د ننګرهار پوهنتون رئيس