د جلال آباد ښاروالۍ د تخنیکي او سکتوري چارو رئیس د ننګرهار پوهنتون مشرتابه سره ولیدل.

nu_admin
یکشنبه ۱۴۰۱/۵/۲۳ - ۸:۲۰
image

 

د جلال آباد ښاروالۍ د تخنیکي او سکتوري چارو رئیس انجنیر دوست محمد چهاردیوال د ننګرهار پوهنتون رئیس پوهاند دوکتور خلیل احمد بهسودوال سره ولیدل.

په یاده لیدنه کې، چې د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال، د علمي چارو او محصلانو چارو مرستیالانو، د تدریسي روغتون رئیس، د تهیه، تدارکاتو او خدماتو او د لیلیو مسؤلینو هم برخه لرله، دواړو لورو د متقابلو همکاریو د رامنځته کېدو پر شونتیا او په ننګرهار پوهنتون کې د ښکلا، پاکۍ او رغنیزو چارو د یو شمېر پروژو د پیل په اړه بحث او خبرې وکړې.

د ننګرهار پوهنتون رئيس پوهاند دوکتور خلیل احمد بهسودوال وويل: ننګرهار پوهنتون په لويه کچه علمي کادرونه او بشري ځواک لري، چې د اکاډمیک مسؤليت او د جلال اباد ښاروالۍ سره د شوي تفاهمليک له مخې په علمي، تحقیقي، ښوونیزو او نورو مسلکي برخو کې مرسته او همکاري وکړي.

پوهاند بهسودوال د جلال اباد ښاروالۍ له مسؤلینو غوښتنه وکړه، چې د مسؤلیت له مخې دې د پوهنتون په ښکلا، پاکۍ، د ځینو محسوسو ځایونو د جوړېدو او د محصلینو د عملي زده کړو په برخو کې مرسته او همکاري وکړي.

د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال پوهنیار قاضي خالد صداقت هم د خپلې وینا پر مهال د ننګرهار پوهنتون د مرکزي کمپس او اړوندو پوهنځیو د بیرونۍ نما، دروازو، ویالو، ګلدانونو، پیاده روونو جوړولو او د کثافاتو د انتقال په برخه کې د جلال آباد ښاروالۍ له مسؤلینو د عملي ګامونو د اخیستلو غوښتنه وکړه.

د جلال آباد ښاروالۍ د تخنیکي او سکتوري چارو رئیس انجنیر دوست محمد چهاردیوال د ننګرهار پوهنتون مشرتابه ته په یادو برخو کې د مرستې او همکارۍ ډاډ ورکړ او زیاته یې کړه، چې په نږدې راتلونکې کې به د ننګرهار پوهنتون په ګډون د جلال اباد ښار په ۹ ناحیو کې د نړیوالې ټولنې په مالي مرسته د لسګونو په شمېر کې رغنیزې پروژې تطبیق کړي.

نوموړي زیاته کړه، چې ننګرهار پوهنتون د ټولو افغانانو ګډ کور دی او ددې علمي کور د رغنیز پرمختګ لپاره به ځانګړې پاملرنه او هلې ځلې وکړي.

تازه خبرونه

سه‌شنبه ۱۴۰۱/۷/۵ - ۱۲:۴۲
Background image

د ننګرهار پوهنتون مشرتابه د علمي تحقیقاتو، معلوماتي ټکنالوژۍ او کتابتون آمریتونو څخه لیدنه وکړه.

 

د ننګرهار پوهنتون رئیس پوهاند دوکتور خلیل احمد بهسودوال د لوړو زده کړو وزارت فوق العاده استازي او د پوهنتون د اداري او مالي چارو مرستیال پوهنیار قاضي خالد صداقت په ملتیا د نړیوال. . .

سه‌شنبه ۱۴۰۱/۷/۵ - ۱۲:۳۹
Background image

د ننګرهار پوهنتون علمي شورا ددې پوهنتون د رئيس پوهاند دوکتور خليل احمد بهسودوال په مشرۍ غونډه وکړه.

 

په نوموړي کاري ناسته کې، چې د وږي په ۳۰مه نېټه په ریاست مقام کې ترسره شوه او د پوهنتون مرستیالانو، د بېلابېلو پوهنځيو او تدریسي روغتون رئيسانو او استادانو په کې برخه لرله، د پوهنتون. . .

سه‌شنبه ۱۴۰۱/۷/۵ - ۱۲:۳۵
Background image

د ننګرهار پوهنتون مشرتابه د خراسان پوهنتون دوه تنه استادان تقدیر کړل.

 

د خراسان خصوصي پوهنتون دوه تنو استادانو انجنیر زلمي احمدزي او انجنیر نصیر آغا شېرزاد، چې د ننګرهار پوهنتون انجنیري پوهنځي سره د تېرو څلور کالو راهیسې د تدریس او محصلینو روزنې په برخه. . .

BACK TO NEWS