د الفلاح پوهنتون او سپین غر لوړو زده کړو موسسې د اکاډمیک اعتبار اخیستنې په پار د ننګرهار پوهنتون مشرتابه د مبارکۍ پيغام!

nu_admin
شنبه ۱۴۰۱/۲/۱۰ - ۷:۲۲
image

 

خوښ یم، چې الفلاح پوهنتون د تضمین کیفیت ملي پروسې په درېیم پړاو او سپین غر لوړو زده کړو موسسې په دویم پړاو کې بریا خپله کړې او اکاډمیک اعتبار یې ترلاسه کړی.

پوهنتونونه او تحصیلي موسسات، چې د یوه هېواد او ټولنې د پرمختګ، ابادۍ او سوکالۍ لپاره وړ او په کار پوه مسلکي کادرونه روزي، هغه مهال دا چاره بریالۍ ترسره کولی شي، چې ټولې علمي او تدریسي چارې یې په اکاډمیکو نورمونو برابرې وي.

الفلاح او سپین غر د افغانستان په ختیځ کې د خصوصي تحصیلي موسساتو تر منځ هغه روښانه نومونه دي، چې د ځوانو او نويو رامنځته شويو علمي بنسټونو په توګه یې په کم وخت کې خپل ځان ثابت کړ او د زیاتو پرمختګونو او لاسته راوړنو سربېره یې لا هم خپل علمي جدوجهد څپاند ساتلی او پر دې ډګر چټک ګامونه اخلي.

د ننګرهار پوهنتون مشرتابه د یادې اکاډمیکې بریا له امله د الفلاح پوهنتون او سپین غر لوړو زده کړو موسسې درنې رهبرۍ، استادانو، محصلینو، اداري او خدماتي کارکوونکو او د ختیځ شریفو ولسونو ته مبارکي وايي او له دې لارې د خپلو اکاډمیکو مرستو او همکاریو د دوام ډاډ ورکوي.

د الفلاح او سپین غر د لا زیاتو علمي نوښتونو او پرمختګونو په هیله

درنښت

پوهاند دوکتور خلیل احمد ب

تازه خبرونه

چهارشنبه ۱۴۰۱/۲/۲۸ - ۹:۵۸
Background image

ننګرهار پوهنتون کې د چاپېريال ساتنې او پاککارۍ کمپاين ترسره شو.

 

یاد کمپاین د دې پوهنتون د حقوقو او سیاسي علومو پوهنځي د فرهنګي کمېټې په نوښت او د جلال آباد ښاروالۍ په تخنیکي مرسته د غويي په ۲۷مه ددې پوهنتون په مرکزي کمپس کې ترسره شو، چې د پوهنتون. . .

سه‌شنبه ۱۴۰۱/۲/۲۷ - ۸:۱۰
Background image

د کرکټ بورډ له خوا پیل شویو سیالیو کې د ننګرهار پوهنتون لوبډله نیمه پایلوبې ته ووتله.

 

ننګرهار پوهنتون لوبډلې په پرله پسې توګه خپله درېیمه لوبه هم وګټله او په دې توګه یې د ټورنمنټ نیمه پایلوبې ته لار وموندله.

د افغانستان د کرکټ بورډ ادارې د ننګرهار څانګې له خوا په دې. . .

دوشنبه ۱۴۰۱/۲/۲۶ - ۸:۱۳
Background image

د ننګرهار پوهنتون ازموینو مرکزي کمېټې غړي او ددې پوهنتون د تېر سمستر ممتاز محصلین د یوې غونډې په ترڅ کې وستایل شول.

 

په همدې مناسبت د محصلانو خدمتونو انسجام آمریت تالار کې د غويي په ۲۴مه ستاینغونډه جوړه شوې وه، چې د پوهنتون او پوهنځیو یو شمېر مسؤلینو، استادانو، محصلانو او اداري آمرینو په کې برخه. . .

BACK TO NEWS