د اسلامي ثقافت ملي کنفرانس شاوخوا ٢٦٠٠ ګډونوالو د مشرتابه حفظه الله تعالی ورعاه سره خپل بیعت تازه کړ.
دغه څلور ورځنی ملي کنفرانس، چې د لوړو زده کړو وزارت په رهبرۍ، د ننګرهار پوهنتون له لوري، په کندهار پوهنتون کې تېره ورځ د ا.ا.ا مشرتابه حفظه الله په حضور او وینا سره پیل شو، شاوخوا ٢٦٠٠ ګډنوالو ورسره خپل بیعت تازه کړ.
مشرتابه حفظه الله تعالی په خپله وینا کې د علم، اېمان، شرعي احکامو د پلي کېدو او د تبلیغاتي جګړې پر وړاندې د یووالي او مبارزې خبرې وکړې. نوموړي علماء کرامو ته سپارښتنه وکړه، چې علم د لمر په شان ټولو ته ورسوي او ویې ویل چې په پوهنتونونو کې داسې خدمت وکړي، چې د پوهنتون محصلین د خلکو لپاره مادي او معنوي قوت جوړ شي.
یاد کنفرانس به څلور ورځې دوام وکړي او ۱۰۴ علمي ـ څېړنیزې مقالې به پکې وړاندې شي.
