د لوړو زده کړو سرپرست وزیر د کابل پولي تخنیک او ننګرهار پوهنتونونو رئیسان په ستاینلیکونو و ستایل.
په همدې مناسب جوړه شوې ناسته کې د لوړو زده کړو سرپرست وزیر الحاج مولوي عبدالباقي حقاني، د کابل پولي تخنیک پوهنتون رئیس ، د ننګرهار پوهنتون رئیس ډاکټر خلیل احمد بهسودوال، پوهنوال عبدالرشید اقبال او ورسره پلاوي ګډون کړی وو.
د لوړو زده کړو سرپرست وزیر الحاج مولوي عبدالباقي حقاني له یادو رئیسانو د ښو کړنو له امله مننه وکړه او د ستاینلیک په ورکړې سره یې وستایل.
ښاغلي حقاني دغه راز له فتحې وروسته د کابل پولي تخنیک او ننګرهار پوهنتونونو نړیوال ژورنالونه رامنځته او تاییدیدل یو ښه زېری یاد کړ.
همدرانګه سرپرست وزیر له دوی وغوښتل، چې د یادو پوهنتونونو د پرمختګ، پر ځان بسیاینې لپاره لا ډېرې هڅې وکړې.
بل لورته د کابل پولي تخنیک پوهنتون او ننګرهار پوهنتون رئیسانو د لوړو زده کړو سرپرست وزیر له تشویق، د ژورنالونو، څېړنې او ورته برخو کې د امکانانو له برابرولو څخه مننه وکړه.
همداشان یادو مسؤلینو د پوهنتونونو اړوند ځينې ستونزې شریکې کړې، چې د لوړو زده کړو سرپرست وزیر الحاج مولوي عبدالباقي حقاني له لوري د حل کېدو ډاډ ورکړل شو.
