د ننګرهار پوهنتون د لیلیې د نظم او دسپلین کمېسیون ددې پوهنتون د رئیس په مشرۍ غونډه وکړه.
په یاده کاري ناسته کې، چې د پوهنتون د رئیس سربېره د علمي چارو او محصلانو چارو مرستیالانو او کمېټې غړو برخه درلوده، د پوهنتون د بېلابېلو پوهنځیو د محصلینو اړوند د اصولو او مقرراتو څخه د سرغړونو او انظباطي قضیو په اړه بحث او لازمې پرېکړې وشوې.
غونډې ته د وینا پر مهال د ننګرهار پوهنتون رئیس شـــــ/یخ انعام الله مدني په اداره کې د مکافاتو او مجازاتو د اصل په ارزښت خبرې وکړې او په تدریسي او کاري ساحو کې یې د نظم او دسپلین رامنځ ته کېدو په موخه د ټولو معیارونو او ارزښتونو په پلي کولو ټینګار وکړ.
د غونډې پر مهال د ننګرهار پوهنتون د لیلیې د نظم او دسپلین کمېسیون د موجوده پالیسۍ، نظم او دسپلین طرزالعملونو بهتر والي او هر راز ستونزو د مخنیوي په موخه لازم نظریات وړاندې شول.
د غونډې په وروستۍ برخه کې د محصلینو د نظم او دسپلین پر یو شمېر کیسونو باندې بحث او په اړه یې لازمې پرېکړې وشوې.
سرچینه: د عامه اړیکو، اطلاعاتو او نشراتو امریت
