د ننګرهار پوهنتون لسګونو اداري او خدماتي کارکوونکو سره د خوراکي توکو مرسته وشوه.
د ننګرهار پوهنتون د بېلابېلو څانګو پر لسګونو اداري او خدماتي کارکوونکو یوه اندازه خوراکي توکي، چې وړه او غوړي په کې شامل وو، ووېشل شول.
یاده مرسته د یوه بااحساسه شتمن هېوادوال له لوري، چې نه یې غوښتل نوم یې څرګند شي، برابره شوې وه، چې ددې پوهنتون د رئیس پوهاند دوکتور خلیل احمد بهسودوال او د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال قاضي خالد صداقت له خوا په یادو کارکوونکو وویشل شوه.
