د ننګرهار پوهنتون رئیس ددې پوهنتون د چاپېریال ساتنې، سرسبزۍ او رغنیزو چارو څخه لیدنه وکړه
د ننګرهار پوهنتون رئیس پوهاند دوکتور خلیل احمد بهسودوال د علمي چارو او محصلانو چارو مرستیالانو او د کرنې پوهنځي د مسؤلینو او استادانو په ملتیا ددې پوهنتون د چاپېریال ساتنې، سرسبزۍ او رغنیزو چارو څخه لیدنه وکړه.
د لیدنې پر مهال د پوهنتون مشرتابه د بېلابېلو پوهنځیو مسؤلینو، استادانو او اداري کارکوونکو ته د چاپېریال د پاکۍ، نیالګیو کېنولو او زرغونتیا سپارښتنه وکړه.
نوموړي دغه راز د اقتصاد پوهنځي د نوې جوړېدونکې ودانۍ چارې له نږدې ولیدې او د ودانیز شرکت مسؤلینو ته یې د پلان او نقشې سره سم پر وخت د کارونو د بشپړولو سپارښتنه وکړه.
