ننګرهار پوهنتون کې د ۱۴۰۴ لمریز کال کانکور ازموینې لپاره د بایومتریک معلوماتو د ثبت لړۍ پیل او په چټکۍ سره پر مخ روانه ده.
یاده پروسه نن دوشنبه له ټاکلي وخت سره سم د سهار په ۴:۳۰ بجو پیل شوه، چې دوه ورځې به دوام وکړي او په ترڅ کې به یې د کانکور ازموینې د ورځې، شپې او څوارلسمو ټولګیو نږدې لس زره تنه ګډونوال بایومتریک شي.
د ننګرهار پوهنتون رئیس شیخ انعام الله مدني د علمي چارو مرستیال پوهندوی مولوي احسان الله ناصح، د محصلانو چارو مرستیال شیخ شاکر الله وحدت، د اداري او مالي چارو مرستیال حافظ ناکیم ځدران او د ازموینو ملي ادارې د پوښتنو بانک د تنظیم چارو رئیس مولوي معلم احمد حقاني په ملتیا له یادې پروسې لیدنه وکړه او د بایومتریک ټیم له غړو د مننې تر څنګ یې هغوی ته د یاد بهیر د لا ښه والي، نظم او بهبود په خاطر اړینې لارښوونې او سپارښتنې وکړې.
د یادونې وړ ده، چې د بایومتریک روانه پروسه تر سبا د جوزا (۲۷ مې) پورې دوام کوي او د کانکور ازموینه د جوزا میاشتې په (۲۸ ـ ۲۹ او ۳۰ مه) نېټه، چې د روانې اوونۍ چهارشنبې، پنج شنبې او جمعې ورځو سره سمون لري، په ننګرهار پوهنتون کې اخیستل کېږي.
