محصلینو ته د اعتکاف مسایلو او فضایلو په اړه بیان وشو.
د ننګرهار پوهنتون د دعوت او ارشاد امریت مسؤلینو د یو بیان په ترڅ کې محصلینو ته د اعتکاف مسایل او ګټې بیان کړې او هغوی ته یې د اعتکاف ترسره کولو توصیه وکړه.
د ننګرهار پوهنتون د دعوت او ارشاد مرستیال مولوي نجیب الله ثاقب د بیان پر مهال د اعتکاف په پېژندنه، شرایطو، آدابو، ګټو، فضایلو او نورو مسایلو خبرې وکړې او زیاته یې کړه، اعتکاف یو غوره فرصت دی، چې د نفس تذکیه او اصلاح په کې وشي او انسان الله تعالی ته قُرب حاصل کړي.
نوموړي وویل: محصلین باید د زده کړو تر څنګ په روحاني لحاظ هم پیاوړي وي، چې دې مقصد ته د رسېدو، دیني بصیرت ترلاسه کولو او قدر شپې فضیلتونو څخه د برخمن کېدو لپاره اعتکاف غوره لاره ده.
د بیان په پای کې د موضوع اړوند د محصلینو پوښتنې هم ځواب شوې.
