د علمي چارو مرستیال د فوق لیسانس برنامو له تدریسي بهیر څخه نظارت وکړ.
د ننګرهار پوهنتون د علمي چارو مرستیال پوهندوی مولوي احسان الله ناصح د بېلابېلو پوهنځیو له فوق لیسانس برنامو څخه د ستونزو حل او تدریسي بهیر ارزونې په موخه لیدنه وکړه.
د لیدنې پر مهال ښاغلي ناصح د محصلینو غوښتنې او وړاندیزونه واورېدل او هغوی ته یې ډاډ ورکړ، چې د پوهنتون اداره د تدریسي بهیر کیفیت ښه والي ته ژمنتیا لري او محصلینو لپاره به عصري او معیاري تحصیلي مواد او امکانات برابر کړي.
نوموړي دغه راز د فوق لیسانس برنامو مسؤلینو ته د اصولو په رڼا کې د علمي او تدریسي چارو ترسراوي اړوند لازمې لارښوونې او سپارښتنې وکړې.
