د څېړنو او علمي مجلو مرستیال د یاد معاونیت اړوند آمرینو او مدیرانو سره غونډه وکړه.
د ننګرهار پوهنتون د څېړنو او علمي مجلو مرستیال پوهندوی دوکتور سعید محمد وقار د خپل معاونیت اړوند د څېړنو، علمي مجلو او کتابتون آمرینو او مدیرانو سره غونډه وکړه، چې پر مهال یې د چارو بهبود او پرمختګ لپاره ورسره اړین نظریات او لارښوونې شریکې کړې.
نوموړي د علمي فعالیتونو لا ښه والي لپاره د ګډ کار او همغږۍ په اهمیت او اړتیا خبرې وکړې او ټینګار یې وکړ، چې هر مسؤل باید په خپله اړونده برخه کې د چارو سمون لپاره پر وخت عملي اقدام وکړي.
ښاغلي وقار د خپلو کارکوونکو ستونزې او اړتیاوې واورېدلې، د ستونزو د حل ډاډ یې ورکړ او هغوی ته یې د لایحو مطابق د دندو ترسراوي، نوښتونو ایجاد او دندې ته پر وخت حاضرېدو اړوند سپارښتنې وکړې.
