د ننګرهار پوهنتون ساینس پوهنځي له خپلو محصلینو څخه (د کامل لمونځ اسانه لارښود) کتاب کې رقابتي ازموینه واخیسته.
د پوهنځي د مسؤلینو په وینا، له دې رقابتي ازموینې څخه یې هدف د لمانځه اړوند د محصلینو د معلوماتو زیاتوالی او د هغوی تر منځ سالم رقابت و، چې د پوهنځي د اړوندو پنځه ګونو څانګو څخه ۳۰۰ تنو محصلینو په کې ګډون کړی و.
د ازموینې ګډونوالو محصلینو د پوهنځي رهبرۍ د یاد ابتکار ستاینه وکړه او د لمانځه اړوند یې، چې یو مهم او اساسي عبادت دی، د خپلو معلومات زیاتوالي او خپلو نیمګړتیاوو اصلاح کولو باندې خوښي وښوده.
د کامل لمونځ اسانه لارښود په نوم کتاب کې د لمانځه اړوند ټول اړین او مهم مسایل بیان شوي.
